Yooma 32

1Popeelom boe mɛ la sɛba te ho bahɛ ba be'em bo ba, sɛba te ho pin' ba be'em bahɛ la. 2Popeelom boe mɛ la sɛba te Na'ayenɛ bahɛ ba tobekperega be'em woo bo ba, te ba ka bɔta pan'ahegɔ. 3Mam ane baanlam ge unhura la n be'em wa daarɛ woo la, mam iŋa ki la zan'an. 4Bolika la yu'uŋɔ zan'an, ho namehere mam mɛ. Mam paŋa keenhɛ la zan'an wo warɛ ko'om la. 5Mam ka sogɛ n be'em la. Mam yele n mɛŋa yeti, N wan porɛ n be'em wa bo Na'ayenɛ. Te hom Na'ayenɛ seren bahɛ mam be'em ganleŋɔ wa. 6Yenɛ nɛreba soha n se'em ma'an te a wan kelehe. Te ko'kanra la n uure la da di ba. 7Hom n de mam soka zen'an. Hom gu'ure mam daaŋɔ saŋa. Hom perɛ mam mɛ la faanrɛ yooma. 8Na'ayenɛ yeti, a wan pa'alɛ mam te n bɔkera mam wan doohe sɔrɔɔ seko. A wan kan'an mam, ge te a niho gan'an n zuo. 9Da ana wo yeho, bii yehoboŋa n ane se'em ka tara bɔkerɛ la. Gariŋenɛ n dekɛ lɛ' en, data te a dɔla hom bote se'em. 10Be'emdoma daaŋɔ ba' zo'e mɛ. Ge Na'ayenɛ nɔŋerɛ, la a som n kae sɛba n dele n la mum. 11Tontɔɔdoma wa, tare ya popeelom, ge nyeena Na'ayenɛ poan. Yamam sɛba sunya n de tontɔɔ wa, voole ya la popeelom.

will be added

X\