Yooma 30

1Na'ayenɛ, mam zɛnkɛ la hom. Se'ere zuo, hom n foe mam na, ge ka bahɛ te n diŋdoma yɛɛm bahɛ n zuo wa. 2Na'ayenɛ mam Yenɛ wa, mam kaahɛ bo la hom ɛɛra soŋorɛ, te ho lebehe mam. 3Na'ayenɛ, hom n foe mam potɛn'ɛrɛ kum poan, ge bo mam vom te n bɔna la vɔpa wa. 4Yamam sɛba n tare sakerɛ sera la Na'ayenɛ wa, yoon ya pɛngɛ en, ge dekɛ ya po'ohegɔ bo a fa'a yu'urɛ la. 5Se'ere n sɔe la, a sunsunya ka nyuunre, ge te ninbɔn'zɔrɛ la ton bɔna bala yɛ'ɛha. Kɛlega ta'an kele yu'uŋɔ, ge beere yelegere mɛ la nyeema. 6Han dɛna mam, mam ze'ele la n panrega wa poan yeti, sɛla kan daam mam. 7Hom Na'ayenɛ n de ninbɔn'zɔta la zuo, ho sɛ' mam la zoore n kpe'em zuo. Hom sogɛ ho nɛŋa la, bahɛ te mam suunre n sagom. 8Mam yi' la hom Na'ayenɛ. Mam kaahɛ to ho zɔ' mam ninbɔn'ɔn. 9Mam han ki, mam han sige yɔɔ poan, bene nyonrɔ n boe bini? Ke'endoma me pɛngere hom Na'ayenɛ me yoi? Kum wan nyaŋɛ pa'alɛ hom n de birikina Na'ayenɛ se'em me la yoi? 10Na'ayenɛ, kelehe mam, ge zo'ohɛ mam. Na'ayenɛ dɛna mam soŋora. 11Hom m bahɛ te mam nintam wa lebege wa'a. Hom n yɛɛ mam sunsagaŋɔ futo, ge bo mam nyeema, 12te mam suunre nyaŋɛ pɛngera hɔ, ge ya sina. Na'ayenɛ wa n de mam Yenɛ wa, mam wan pɛngɛ ho nananawa kɔ'ɔn yɛ'ɛha.

will be added

X\