Yooma 29

1Pɛngɛ Na'ayenɛ, Yenɛ soŋoreba. Pɛngɛ Na'ayenɛ la na'ahegɔ la paŋa. 2Pɛngɛ ya Na'ayenɛ yu'urɛ soŋa wa. Ze'ele ya fa'a po'ohe Na'ayenɛ wa. 3Na'ayenɛ konkore n damene ko'kantɛ poan. Soŋa Yenɛ la n bala tanhera wa. Na'ayenɛ n tanhera ko'kanra wa. 4Na'ayenɛ konkore tare la paŋa. Na'ayenɛ konkore tare la na'am. 5Na'ayenɛ konkore n kɔ'ɔrɛ mɔlɔsonɔ tiihe la. A kɔ'ɔrɛ Lebanon mɔlɔsonɔ tiihe la. 6Na'ayenɛ n bahɛ Lebanon teŋa engera kiha wo nagabila la. Te Sirion teŋa me ana wo mɔen nahɔ la. 7Na'ayenɛ han tɔgɔra, bugum n ne nyagera. 8Na'ayenɛ han tɔgɔra, mɔen zan'an ne damana mɛ. Na'ayenɛ konkore n damenɛ Kades teŋa mɔen la. 9Na'ayenɛ konkore n sa'ahɛ koonrɔ, ge baha te tiihe soora, te a Yire la poan perɛ la pɛnka. 10Na'ayenɛ zin' la a na'am gɔŋɔ zuo, sɔna ko'om zan'an beha. Na'ayenɛ dela naba nananawa kɔ'ɔn yɛ'ɛha. 11Na'ayenɛ wan bo a nɛreba paŋa. Na'ayenɛ wan kan' sunma'ahom bahɛ a nɛreba zuo.

will be added

X\