Yooma 28

1Mam yi'ire la hom Na'ayenɛ. N Taŋa wa, da zagahɛ te ho kan kelehe mam. Ho han sina, mam ki mɛ n bala. 2Kelehe mam n zɛnkɛ nu'uhe tɔ ho toolom yire wa, ge fabela te ho soŋɛ mam wa. 3Da ve'e mam ta' la potɔpa sɛba nu'uhe n tone be'em la ta bahɛ. Ba dela sɛba n tare ba nɔya tɔgɔra te sunma'ahom bɔ'ɔra ba sɔɔnrɔ ge te sunya perɛ la pan'ahegɔ. 4Lebehe yɔ ba lan nare se'em yɔ ba doohe ba be'emtooma la. Yɔ ba doohe ban dekɛ ba nu'uhe tom se'em la. Yɔ ba lan nare se'em. 5Nɛrebana wa ka dekɛ Na'ayenɛ tooma, bii a nu'uhe n maalɛ sɛla la te la dɛna sɛla bo ba. Na'ayenɛ wan wɔnrɛ nɛrebana te la kan le ihege. 6Pɛnka bo Na'ayenɛ. Se'ere n sɔe la a wom mam kaahega. 7Na'ayenɛ n de mam paŋa, la mam tɛ'ɛlega. Mam suunre dela la enŋa n soŋɛ mam se'em n bala, te mam suunre pee. Mam wan dekɛ n yoonɛ yoon pɛngɛ en. 8Na'ayenɛ n de a nɛreba la paŋa. Enŋa n de se'em te a sɔ' la kaam la faanra la a soka zen'an. 9Fan' ho nɛreba wa. Kan' bahɛ ho sɔ'ɔlom wa zuo. Keena ba, ge bahɛ te ba tɔla nɛŋa saŋa woo.

will be added

X\