Yooma 27

1Na'ayenɛ n de mam nɛɛhom la mam faanrɛ, n wan zɔta la ane? Na'ayenɛ n de mam vom wa soka zen'an, n wan zɔta la ane? 2Be'emdoma, sɛba n ka bote mam, ge dɛna n diŋdoma la han kae mam mum te ba obe mam, ba mɛhe wan gɛnrɛ ta lu. 3Pɛɛntɛɛnreba n han kae mam mum te ba zabɛ la mam, mam paleŋa ka ŋmɛ'ɛre. Zaberɛ n han ihege zabera la la mam, mam ze' la kaŋkaŋe. 4Yele deyena te mam sohɛ Na'ayenɛ, yele denɛ mea te mam ɛɛra. La dela n bɔna a yire la poan n vom dabeha woo poan ge nyɛta a soŋa la ge bɔna a Yire la poan soha en. 5Daaŋɔ dabeha han paɛ na, Na'ayenɛ wan sogɛ mam a kɛn'ɛra zen'an poan. A wan pin' mam a sogorɛ poan. A wan dekɛ mam yagelɛ la taŋa zoore zuo. 6Mam nya dela zuodaana bo n diŋdoma la woo n kae mam mum la. N wan bɔna a Sogorɛ la poan kaanbera en, ge yoona nyeema yooma bɔ'ɔra en. N wan dekɛ bonŋmɛ'ɛla, baam pɛngɛ Na'ayenɛ 7Na'ayenɛ, kelehe n kaahega wa. Zo'ohɛ mam, ge lerege mam. 8Mam suunre yele mam yeti, N wa'ana ɛ Na'ayenɛ. Na'ayenɛ, mam eere la hom. 9Da sogɛ ho nɛŋa. Da bahɛ te ho suunre nyie, te ho zagahɛ mam. Se'ere n sɔe la, hom de mam soŋorɛ. N Yenɛ la n faanrɛ wa, da lobe mam bahɛ, da zagahɛ mam. 10Mam sɔ la n ma han zagahɛ mam, Na'ayenɛ wan to'e mam. 11Na'ayenɛ, pa'alɛ mam ho sore la. Da bahɛ te n kena bogoro poan, n diŋdoma la zuo. 12Da dekɛ mam eŋɛ sɛba n ka sone la mam wa nu'uhen, te ba nyaŋɛ tom mam bama n bote se'em. Se'ere n sɔe la, ba dekɛ la yele pagelɛ n zuo, ge maahena zaberɛ. 13Mam tare sakerɛ te mam wan nyɛ Na'ayenɛ etesoŋɔ teŋa wa zuo. 14Gura Na'ayenɛ. Kpemehe ho mɛŋa, ge dekɛ ho delom Na'ayenɛ.


Copyright
Learn More

will be added

X\