Yooma 26

1Na'ayenɛ, bo mam vo'ohogo. Se'ere n sɔe la mam dela nɛre tontɔɔ, ge me dekɛ n mɛŋa delom Na'ayenɛ ge ka tɛn'ɛha boyi' boyi'. 2Na'ayenɛ, Ɛ n suunre, la n potɛn'ɛrɛ wa poan, la ho baŋɛ mam n de nɛra se'em taaba. 3Ho zo'ohogɔ gan'an la mam ninin, te mam me dɔla hɔ, la n sakere zan'an. 4Mam ka zin' ponpɔrɔŋdoma, mam ka dole birikɔgɔdoma. 5Mam yaɛ yelebe'eteba mɛ, n me ka zin'ite la potɔpa. 6Na'ayenɛ, mam pee n nu'uhe mɛ yehe be'em poan, ge kaara hom kaanbegɔ daka wa. 7Yooma pɛnka yooma vɔɔla, yɛta ho toon nyalema la n ane se'em. 8Na'ayenɛ mam nɔŋɛ ho yire la te ho bɔna de poan la mɛ. 9Da piie mam ta ta' la be'emdoma la bahɛ, bii ho piie n vom ta ta' la sɛba n nɔŋɛ ziim ka'ahegɔ la bahɛ. 10Bama dela nɛresɛba nu'uhe n perɛ la be'emtooma, te ba zuɔ nu'o perɛ la mu'ure tooma ma'an. 11Ge han dɛna mam, mam dela nɛre tontɔɔ. To'e yɔ' mam, ge zɔ' mam ninbɔn'ɔn. 12Mam na'arɛ sɛ zɛ'a la taŋa zuo. Mam wan pɛngɛ Na'ayenɛ wa a nɛreba teŋasoka.

will be added

X\