Yooma 24

1Teŋparɛ wa, la sɛla woo n boe ka poan dela Na'ayenɛ denɛ. 2Se'ere n sɔe la Na'ayenɛ n maalɛ la zan'an eŋɛ ko'kantɛ la, la mɔga wa woo poan. 3Ane n zom Na'ayenɛ zoore wa zuo? Ane n wan ta'an ze'ele Na'ayenɛ fa'a zen'an la poan? 4Sɛba nu'uhe n ka dɛngɛ, te ba sunya pelege la ma'an, la sɛba n ka dekɛ ba sunya bo ponpɔrɔŋɔ, ka pɔta yoo yoo la. 5Ba wan to'e kan'an Na'ayenɛ zen'an, ge nyɛ vo'ohogo ba Yenɛ se'ere n de ba faanrɛ la zen'an. 6Lan ete sɛba n eere n la, sɛba n eere Yakob Yenɛ wa la se'em n bala. 7Yele kɛgehe wa, maahom ya yuumai yuumai yɛla wa, lebe ya kenkɛleŋa ha, ge te nɛɛhom naba wa kɛn' na. 8Nɛɛhom naba wa dela ane? A dela Na'ayenɛ, kansaŋka ka mɛŋa la, n kpe'em la. A dela Na'ayenɛ se'ere n de pɛɛntɛɛnra la. 9Yele kɛgehe wa, maahom ya yuumai yuumai yɛla wa, lebe ya kenkɛleŋa ha, ge te nɛɛhom naba wa kɛn' na. 10Nɛɛhom naba wa dela ane? A dela Pɛɛntɛɛnreba Na'ayenɛ la soŋa zan'an naba.

will be added

X\