Yooma 22

1Mam Yenɛ, mam Yenɛ bene zuo te ho zagaha mam? Bene zuo te ho zaan la mam soŋorɛ poan, ka wuna mam n kaahere kaahere se'em bɔ'ɔra ho na wa? 2Mam Yenɛ, mam kele la bala daarɛ woo, ge ho ka kelehe mam, n kele la bala yu'uŋɔ, ge vo'ohogo kai. 3Ge la bala zan'an, hom dela fa'a, te Israel pɛnka na'aha hɔ. 4Tomam yaabdoma yuun nan la hom. Ba yuun nam ho mɛ te ho fan' ba bahɛ. 5Ba yuun kaahɛ bo la hom, nyɛ faanrɛ. Ba yuun nam la hom, te nyanɛ ka di ba. 6Ge mam dela zunzunre ge dagɛ nɛra. Ba kɛhere mam mɛ, nɛreba ka nane mam. 7Se'em woo n nyɛ mam, kɛhere mam mɛ, sen'eha mam, ge lɔbera ba zuto. 8Dekɛ ho yele la eŋɛ Na'ayenɛ nu'uhen, te a fan' hɔ. A wan fan' a suunre n bote se'em la bahɛ. 9Hom Na'ayenɛ n bahɛ te ba dɔgɛ mam, te ho doonra mam nyonrɛ la n ma bin'ihom. 10Daanse'ere daarɛ te ba dɔgɛ mam bahɛ na la, ho behere mam la bala. Mam ma n dɔgɛ mam daarɛ la, hom n de mam Yenɛ. 11Da zaanra la mam, ge daaŋɔ n pɔnre mam, se'em me ka boe wan ta'an soŋɛ mam. 12Lɔlezɛɛrehe n kae mam mum, Basan teŋa lɔlezɛɛrehe la n kae mam mum. 13Ba maahom la ba nɔya wo gbegenɛ n nyɛ nɛŋɔ maahom ge tanhera se'em la. 14Ba ka'ɛ ma bahɛ me na wo ko'om la, te mam konba zan'an suguhe, te n sunsuunre folege, nyɛlegɛ mam nyɔn'ɔn poan ha. 15Te mam paŋa wɔnrɛ bura bura wo yɔgɔrɔ yoore n lu bure se'em la. Te mam zɛleŋa tabɛ n nɔɔrɛ poan ha hom Na'ayenɛ n dekɛ mam eŋɛ kum nu'uhen. 16Se'ere n sɔe la, baahe n kae mam mum, be'emdoma ma'an n kae mam mum. Mam nu'uhe, la n na'ma ki mɛ yula. 17Te mam konba nɛɛ gan'an. Ba nyingire mɛ, ge nyuuna taaba mam zuo. 18Ba toorɛ la mam lɔgɔrɔ bo taaba ge ŋmɛ' gbaŋa mam lɔgɔyɛɛtɔ zuo. 19Ge Na'ayenɛ, da zaan la mam, n soŋora wa, wa'an kalam na soŋɛ mam. 20Yehe mam kum wa poan, yehe n vom wa baa wa nu'uhen. 21Fan' ma gbegenɛ wa nɔɔrɛn bahɛ. Hom n fan' mam mɔen nahɔ iila poan bahɛ. 22Mam wan tɔgɛ ho yu'urɛ wa yele bo n mɛŋa sɔɔnrɔ, la n yizuodoma. Mam wan ze'ele ho nɛreba lagaŋɔ teŋasoka pɛngɛ hɔ. 23Hom se'em n zote Na'ayenɛ la, pɛngera en. Yakob buuri wa, pɛngɛ ya Na'ayenɛ wa. Israel buuri wa, bahɛ ya te dabeem tara ya la Na'ayenɛ wa 24Se'ere n sɔe la, Na'ayenɛ ka zagahɛ sɛba n pogolom la, a ka bahɛ ba. Na'ayenɛ ka bahɛ mam, mam yi' bo en la, a kelehe mam mɛ. 25Hom n bahɛ te mam nyɛta pɛnka kantɛ ho nɛreba wa poan. Mam wan ze'ele ho nɛreba la nɛŋan yɔ mam n biŋe nɔɔrɛ te n bo sɛla la. 26Nahedoma wan di ta tegɛ, te sɛba n eere hom Na'ayenɛ, wan pɛngɛ hɔ. Ba wan tara potɛn'ɛrɛ hom poan. 27Teŋparɛ wa loga woo nɛreba wan ŋmɛregɛ lebe hom Na'ayenɛ zen'an na. Teŋa woo buuri woo wan po'oha la hom. 28Se'ere n sɔe la, Na'ayenɛ n de sɔna, behera teŋhe wa zan'an. 29Hom te asaala bia woo n boe teŋparɛ wa zuo wan po'oha. Hom te keema woo wan po'oha Mam vom dela hom denɛ. 30Saŋa woo buuri wan po'oha la hom. Ba wan ta tɔgɛ Daana la yele bo buuri se'a n wa'ana la. 31Ba wan ta tɔgɛ a faanrɛ yɛla la bo sɛba te ba nan ka dɔgɛ ba, te Na'ayenɛ n tam dɛ.

will be added

X\