Yooma 21

1Na'ayenɛ, naba nyeema boe la hom paŋa poan. Hom soŋorɛ zuo te a tara zuo. 2Hom n bo en a sunboolom, ho ka mɔŋɛ n ya'ɛ a nɔɔrɛ soke ho sɛla. 3Hom to'ohɛ naba mɛ la kan'somɔ, ge vugule a zuo la sanlema muŋa. 4A sohɛ hom la vom, te ho me bo en dabeha n wɔgɛ ka tara ba'ahegɔ. 5Hom soŋorɛ zuo, te a soŋa nɛɛ zen'an woo. Hom ka'ɛ la nabiinɛ, la na'am paŋa bahɛ a zuo. 6Ho ka'ɛ la kan'an bahɛ a zuo te ko ka tara ba'ahegɔ. Hom n bo en la popeelom, la nyeema. 7Se'ere n sɔe la, naba wa dele la hom Na'ayenɛ, Hom Gaŋɛ Zan'an Yenɛ wa nɔŋerɛ kantɛ la zuo, dabeem ka tare en. 8Ho nu'o wan segehɛ ho diŋdoma zan'an bahɛ, ho nu'o paŋa wan zabɛ nyaŋɛ sɛba woo n yaɛ hɔ. 9Ho han ta yehe na nyɛ ba, ho wan nyɛlegɛ ba wo kuta bugum la. Na'ayenɛ wan vole ba la a sunsunyiim la, te bugum di ba. 10Ho wan sagom ba yaahe zan'an teŋa wa zuo bahɛ, ge luguhe ba kɔma zan'an teŋa wa nɛreba poan bahɛ. 11Ba han maahom be'em sebo woo te ba dekɛ eŋɛ hɔ, bii ba bɛnte ho mɛ, ba kan malom paɛ hɔ. 12Se'ere n sɔe la, ho yeti ho sa'ɛ ba te ba zɔ mɛ, ho han dagera ba nɛhe la ho pɛɛma. 13Na'ayenɛ, ho paŋa la sɔna pɛnka, to wan yoon pɛngɛ ho paŋa la.

will be added

X\