Yooma 20

1Na'ayenɛ kelehe ho sohoga daaŋɔ daarɛ. Yakob Yenɛ yu'urɛ la tolehe ho nɛŋa. 2A bahɛ te soŋorɛ zɛ'ɛta a toolom yire la poan paara ho na. A bahɛ te soŋorɛ zɛ'ɛta Zion paara ho na. 3A tɛnra kaanbe seko woo te ho kaanbe en la. A nini tegɛ la ho nyɔ'an bo'olom la. 4A bo ho ho suunre n bote sɛla. Ge bahɛ te ho tɛn'ɛhegɔ woo eŋɛ soŋa bo ho. 5To wan yoon la popeelom bo ho, hom bo to nyaŋerɛ la zuo. Ho yu'urɛ la n de tomam danlehom. Na'ayenɛ wan bo ho sɛla woo te ho sohɛ en. 6Mam nya baŋɛ ya te Na'ayenɛ n bo'ore a mɛŋa naba se'ere sɔ' la kaam la nyaŋerɛ. Na'ayenɛ wan bɔna saazuo ha ge lebehe en na la a paŋa. 7Sɛba dele la ba mɛhe pɛɛma, te sɛba me dɛla ba mɛhe yiri. Ge tomam ŋmɛ'ɛre to nyɔn'ɔn la Na'ayenɛ to Yenɛ la yu'urɛ poan. 8Nɛresɛba n dele ba mɛŋa paŋa wan tu'ulum ta lu. Ge tomam yeti to zɛ'a la kaŋkaŋe. 9Na'ayenɛ, lebehe to na, bo ho ho naba la nyaŋerɛ.


Copyright
Learn More

will be added

X\