Yooma 2

1Bene n sɔe te teŋhe pan'ahɛ ba mɛhe, te nɛreba wa gaara yo wa? 2Teŋa wa na dama zan'an ihege ze'ele mɛ, te nɛŋadoma woo lagahɛ taaba te ba zabɛ la Na'ayenɛ, ge zabɛ la se'em te a sɔ' la kaam. 3Ba yele bo ba mɛhe yeti, To wan pirihe min'se'ehe n gin' to nu'uhe la to na'ma tara wa bahɛ! 4Te la dɛna yelɔ'ɔrɔ bo Daana la n zin' a na'am gɔŋɔ zuo saazuo ha la. A ɛnregerɛ ba mɛ. Gaŋɛ zan'an daana la voole ba mɛ. 5A ne dekɛ la a sunsunyiim tanhɛ ba, ge vuunhe ba la sunsunya tooma, 6ne yele ba yeti mini ya te mam pon bobe n naba na'am mɛ te a n mɛŋa zoore Zion zuo. 7Bahɛ te n yele ho yelese'ere te Na'ayenɛ la n yele mam se'emdaana la yele mam yeti, Zina wa, ho dela mam dayɔa te mam me dɛna ho sɔ. 8Soke mam, te n bahɛ te teŋhe wa zan'an dɛna ho sɔ'ɔlom, teŋa wa tɛka beenɛ wan dɛna ho yire. 9Ho wan wɔnrɛ ba la kuto doore, ho wan wɔnrɛ ba bure wo ba dela yɔgɔrɔ dokɔ la. 10Bala, nadoma wa, mini ya, teŋa zuo nɛrekanreba wa te'ele ya kan'an ya mɛŋa! 11Tone ya bɔ'ɔra Na'ayenɛ la dabeem! Gbi'ire ya la popeelom! 12Kɔkɛ ya se'em n de a Dayɔa la la popeelom. Han dagana bala ge te a suunre nyie ya wan nyɛ sagaŋɔ ya sore woo poan. Popeelomdoma dela nɛresɛba n baŋɛ zɔ ta sogɛ ba mɛhe a poan.

will be added

X\