Yooma 16

1Mam dele la hom dene te ho beha mam. Bala Yenɛ, gura mam. 2Mam yele Na'ayenɛ yeti, Hom n de mam Daana. Han dagɛ hom, mam ka tara sɛla n ane soŋa. 3Han dɛna birikindoma n bɔna teŋa wa, ba dela sɛba n to'e na'ahegɔ te mam tara popeelom la ba denɛ. 4Sɛba n dɔla baga poore wan nyɛ daaŋɔ. Mam kan lagom ba kaanbegɔ la bii yi' ba yu'ura la. 5Na'ayenɛ, hom n bo'ore mam sɛla n de mam bonɔ. Hom n tare mam lɔgɔrɔ te sɛla kan daan tɔ. 6Mam beenɛ woo dela zen'soŋa beenɛ. Ho seren bo mam la sɔ'ɔlom sebo n tare mam popeelom. 7Mam wan pɛngɛ Na'ayenɛ se'ere n kan'ane mam la. Mam han pon gan'an yu'uŋɔ, mam suunre tɔgɔre pa'ala mam me. 8Na'ayenɛ te mam dekɛ tolehe n nɛŋa daarɛ woo. Se'ere n sɔe la, enŋa n boe n zuɔ nu'o bɔba. Sɛla ka boe wan bike mam. 9Bala zuo la, mam suunre poan ha pee mɛ, te mam nɔɔrɛ tara pɛnka. N iŋganɛ wa me boe la fai te sɛla kan ta'an daam dɛ. 10Se'ere n sɔe la ho kan bahɛ te n yee n ke'endoma teŋa bii ho bahɛ te ho Fa'adaana nyɛ sagaŋɔ. 11Ho pon te'ele pa'ale mam sɔrɔɔ seko n dole yɛ'a vom poan la. Ho wan perɛ mam mɛ la popeelom ho neŋan, ge dekɛ mam zin'ire ho zuɔ nu'o te n dita na'am n ka tare ba'ahegɔ.

will be added

X\