Yooma 149

1Pɛngɛ Na'ayenɛ! Yoon yoonpaalɛ pɛngɛ Na'ayenɛ! Yoon pɛngɛ en a a nɛreba lagaŋɔ la poan. 2Bahɛ te Israeldoma nyeena ba naana la poan. Bahɛ te Zion nɛreba tara sunpeelom la ba naba la. 3Bahɛ te ba tara wa'a pɛngera a yu'urɛ la, ge dekɛ baaŋa la senyagarɛ la kɔnlɔgɔ pɛngɛ en. 4Se'ere n sɔe la, Na'ayenɛ suunre kɛn' a nɛreba la mɛ. A vugule taromdoma la mɛ la faanrɛ muŋa. 5Bahɛ te a nɛreba la nyeena la ba nyaŋerɛ la poan, ge yoona la nyeema ba bongan'ala zuo. 6Bahɛ te Na'ayenɛ pɛnka bɔna ba nɔya poan, la so'a n dite nɔya ayi' bɔna ba nu'uhen. 7So'a la lerege teŋhe, ge namehe se nɛreba, 8ge ba' se nadoma la kuto, ge ba' se nɛrezura la la banhe. 9A eŋɛ ba, ba namehegɔ n de seko golehɛ biŋe la. Na'ayenɛ nɛreba la na'ahegɔ n bala. Pɛngɛ Na'ayenɛ.

will be added

X\