Yooma 148

1Pɛngɛ Na'ayenɛ! Pɛngɛ Na'ayenɛ saazuo ha. Pɛngɛ en zuin zuin ha. 2A soŋoreba wa zan'an, pɛngɛ ya en. A saazuo pɛɛntɛɛnreba wa zan'an, pɛngɛ ya en. 3Wontɛɛŋa la ŋmarega wa, pɛngɛ ya en. Ŋmarebibihe wa n nyagere wa, pɛngɛ ya en. 4Saazuin zuin ha wa, pɛngɛ en. Ko'om sebo n boe saŋgbana wa zuin zuin ha wa, pɛngɛ ya en. 5Bahɛ te ba pɛngɛ Na'ayenɛ yu'urɛ. Se'ere n sɔe la, a bo la a nɔɔrɛ ma'an, te la naam ba. 6A dekɛ ba ze'ele la ba ze'elego ba ze'elego zen'an, te ba bɔna bala kɔ'ɔn yɛ'ɛha. A bo la kihire te de kan malom tole. 7Yamam bonvɔɔhe la sɛla woo n boe ko'kanra wa teŋa teŋa ha la, pɛngɛ ya Na'ayenɛ teŋparɛ zuo. 8Saa bugum la saakuga la ko'om n gerɛ lebege kuga la saŋgbana la saabeeokeŋɔ n wone a nɔɔrɛ wa la, pɛngɛ ya Na'ayenɛ. 9Zɔya kanra la zɔya bibihe la wɔla tiihe la mɔlɔsonɔ tiihe la, pɛngɛ ya Na'ayenɛ. 10Mɔen dunhe la yiren dunhe la bonvɔɔhe woo la niihe ɛngerehe la, pɛngɛ ya Na'ayenɛ. 11Teŋparɛ wa zuo nadoma la nɛreba woo la yamam nabiihe la sɛba n behere teŋparɛ wa zuo la, pɛngɛ ya Na'ayenɛ 12Bodibipaalehe la pɔgɔsa'ahe la bonkɛgehe la kɔmbibihe, pɛngɛ ya Na'ayenɛ. 13Bahɛ te ba pɛngɛ Na'ayenɛ yu'urɛ la, ge enŋa ma'an yu'urɛ n nare na'ahegɔ. A soŋa la to'e teŋparɛ wa mɛ, la saazuo zan'an. 14A bo a nɛreba la iilɛ, te ba kpe'em. Yenɛ nɛreba wa zan'an, pɛngɛ ya en. Israeldoma wa n de a mɛŋa suunre bonɔ wa. Pɛngɛ ya Na'ayenɛ.

will be added

X\