Yooma 146

1Pɛngɛ Na'ayenɛ! N sea wa, pɛngɛ Na'ayenɛ mɛ! 2Mam wan pɛngɛ Na'ayenɛ la n vom zan'an. Mam wan yoona pɛngera mam Yenɛ n vom saŋa woo poan. 3Da dekɛ ho mɛŋa delom nabiihe. Da delom nɛresaala n kan ta'an fan' hɔ. 4Ba sea han ta ba'ahɛ, ba ne lebe la tentɔnɔ poan. De daarɛ yɛ'ɛha, ba tɛn'ɛhegɔ woo bahɛ yoo. 5Kan' somɔ boe mɛ, la se'em soŋorɛ n de Yakob Yenɛ wa. Kan' somɔ boe mɛ la se'em potɛn'ɛrɛ n boe Na'ayenɛ a Yenɛ wa. 6Enŋa n naam saazuo la teŋparɛ wa. A naam ko'kantɛ wa la sɛla woo n boe bo poan. Enŋa n de Na'ayenɛ bɔna a birikinte poan ka tara ba'ahegɔ. 7Enŋa tɔgɔre soŋora sɛba n boe muguhego poan, ge diihira sɛba te kom tara ba. Na'ayenɛ n faanre ban pagɛ sɛba baha fai. 8Na'ayenɛ n bo'ore fɔɔhe nini, ge ihegera sɛba n gan' teŋa, saazuo. Na'ayenɛ nɔŋɛ sɛba n boe tontɔɔ mɛ. 9Na'ayenɛ n tare saana, ge beha keebega la pɔkɔɔnrɛ. A go'e toonfɛn'ɛhadoma sɔrɔtɔ. 10Na'ayenɛ n de naba ka tara ba'ahegɔ. Hom Zion Yenɛ la n boe saŋa woo poan. Pɛngɛ Na'ayenɛ.

will be added

X\