Yooma 145

1Mam Yenɛ la mam naba wa, mam wan na'aha hɔ. Mam wan pɛngera ho yu'urɛ la saŋa woo. 2Daarɛ woo, mam wan pɛngera hɔ ge na'ahera ho nananawa kɔ'ɔn yɛ'ɛha. 3Na'ayenɛ kanregɛ mɛ nara pɛnka. Nɛra kan ta'an makɛ a kantɛ la. 4Saŋa kayema nɛreba, wan pɛngɛ ho tooma la bo saŋa kayema nɛreba. Ba wan tɔgɛ ho nyalematooma la yɛla. 5Ba wan tɔgɛ ho soŋa la la ho na'ahegɔ la yɛla. Mam wan tɛn'ɛha la ho nyalematooma la yele. 6Ba wan yele ho toonkanra la n tare dabeem la yele. Mam wan mɔɔlɛ ho toonkanra la yele. 7Ba wan de'em ho etesoŋɔ kekeko la, ge yoon yooma nyeema ho tontɔɔ bɔŋa la yele. 8Na'ayenɛ ane soŋa, a dela ninbɔn'zɔta daana. Enŋa ka eta suunre tɔtɔ, ge tara zo'ohogɔ. 9Na'ayenɛ ane soŋa mɛ bo nɛra woo. A tare ninbɔn'zɔrɛ mɛ bo sɛla woo te a maalɛ la. 10Na'ayenɛ, hom maalɛ sɛla woo la wan pɛngɛ hɔ. Ho yamehe wan na'ahɛ hɔ. 11Ba wan mɔɔlɛ ho sɔ'ɔlom la soŋa la, ge tɔgɛ ho paŋa la yɛla. 12Te nɛresaaleba woo mina ho paŋa tooma la, la ho sɔ'ɔlom paŋa soŋa la. 13Hom sɔ'ɔlom la dela sebo n ka tare ba'ahegɔ. Ho na'am la bɔna saŋa woo poan. Na'ayenɛ dela birikina a yelehom la poan, ge tara zo'ohogɔ bo sɛla woo te a naam la. 14Na'ayenɛ n zɛnkere sɛba n lu' la saazuo, ge ihegera sɛba n gan' teŋa la me saazuo. 15Sɛla woo gore beha la hom. Ge te hom bɔ'ɔra ba dia ba dia saŋa la. 16Hom tɛɛn la ho nu'o. Hon tegehɛ sɛla woo n bote sɛla. 17Na'ayenɛ dela tontɔɔ a sɛla woo poan, ge tara zo'ohogɔ bo sɛla woo te a naam la. 18Na'ayenɛ lɛm mɛ la se'em woo n wan kaahɛ bo en. A lɛm mɛ la sɛba woo n kaahere la yelemɛŋɛrɛ bɔ'ɔra en. 19A bo'ore sɛba n zote en la sunboolom mɛ. A kelehe ba kaahega mɛ ge faanra ba bahɛ. 20Na'ayenɛ gure sɛba woo n nɔŋɛ en la mɛ, ge a wan sagone toonfɛn'ɛhadoma la woo. 21Mam nɔɔrɛ wan tɔgɛ pɛngɛ Na'ayenɛ. Bahɛ te bonvɔa woo pɛngɛ a fa'a yu'urɛ la saŋa woo.

will be added

X\