Yooma 143

1Na'ayenɛ, kelehe n sohoga wa. Bo mam ninbɔn'ɔn te n kelehe n kaahega wa. Ze'ele ho birikinte la, la ho tontɔɔ bɔŋa la poan, lerege mam na. 2Da gankɛ ho yameŋa wa. Se'ere n sɔe la nɛra ka vɔa dɛna tontɔɔ bo hom nɛŋan. 3Dima la digere mam mɛ. A zan'ɛn mam mɛ saaɛ teŋa. A bahɛ te mam boe la lika poan, wo sɛba n yuun ki tole la. 4Te mam sea yehe n mɛŋa. Mam suunre n bo n iŋa poan sagom mɛ. 5Mam tɛɛn dabeha n yuun ane se'em la. Mam tɛn'ɛhere ho tooma la woo poan la. N behɛ ho tooma zan'an te ho nu'o daa eta. 6Mam yeregɛ n nu'uhe bo la hom. Mam suunre bote ho mɛ wo teŋkɛ'ɛŋa n bote ko'om se'em la. 7Na'ayenɛ, lerege mam kalom. Mam sea yehe n mɛŋa la. Da sogɛ ho nɛŋa bo mam bii n wan ana wo sɛba n sigi la boko poan la. 8Bahɛ te n wom ho zo'ohogɔ la yele bolika. Se'ere n sɔe la, mam dele la hom. Pa'alɛ mam sose'ere te n wan doohe. Se'ere n sɔe la, mam dekɛ n suunre bo la hom. 9Na'ayenɛ, fan' mam n diŋdoma wa nu'uhen bahɛ, ge mam sogɛ la hom poan. 10Pa'alɛ mam te n eta hom suunre n bote se'em, ge hom de mam Yenɛ. Bahɛ te ho Sea soŋa la tara mam dɔla zen'an n de tontɔɔ. 11Na'ayenɛ, gura n vom wa, ho yu'urɛ la zuo. Hom n de tontɔɔ la zuo, yehe mam n daaŋɔ wa poan na. 12Ho zo'ohogɔ la zuo, sagom n diŋdoma zan'an. Sagom sɛba woo n daane n suunre wa. Se'ere n sɔe la, mam dela ho yameŋa.

will be added

X\