Yooma 141

1Na'ayenɛ, mam yi'ira la hom na. Wa'an n zen'an tɔtɔ na. N han yi'ira hɔ na, hom wom n konkore la. 2Bahɛ te n sohoga wa zɛ'a ho nɛŋan wo nyuŋo soŋɔ zun'uhe la. Bahɛ te n nu'uhe zɛnkerɛ ana wo zanɔɔrɛ kaanbegɔ la. 3Na'ayenɛ, gu'ura n nɔɔrɛ wa, ge gu'ura n nɔgbanɛ yetɔgom. 4Da bahɛ te n suunre ve'e keŋɛ be'em poan, ta lagom tom be'em la be'emdoma. Da bahɛ te n lagom zin'ita la ba dita ba diihom. 5Tontɔɔ nɛra han ŋmɛ' mam, la dela som. Tontɔɔ nɛra han tanhɛ mam, la dela kaam bo mam zuo. Mam zuo kan zagahɛ la. Ge mam kan sohɛ som bo be'emdoma tooma la. 6Ba wan lobe ba nadoma zɔya zuto bahɛ na. Toonfɛn'ɛhadoma wa wan mi' te mam tɔgɔre la sera. 7Ba wan yeti, Wo nɛra n kɔ' gbirige tentɔnɔ poan bahɛ yeŋa se'em la, bala mea to konba wan yeregɛ gan'an yɔɔ nɔɔrɛn. 8Ge Na'ayenɛ n Daana wa, mam behere la hom. Mam sogɛ la hom poan. Da dekɛ mam bo kum. 9Gu'ura mam yɛhera ba bɛntɔ la poan. Gu'ura mam yɛhera be'emdoma la bɛntɔ la poan. 10Bahɛ te toonfɛn'ɛhadoma lu' ba mɛŋa bɛntɔ la poan, ge te n tɔla faa.

will be added

X\