Yooma 140

1Na'ayenɛ fan' mam be'emdoma wa nu'uhen. Gu' mam zabɛ bɔteba wa. 2Ba tɛn'ɛhere potɛn'be'ero ba sunya poan, ge gbirigera zaba daarɛ woo wa nu'uhen bahɛ. 3Ba zɛlehe ane mɛ wo bonsɛla zɛleŋa la. Ba nɔgbama tara zaŋkaŋa yabega. 4Na'ayenɛ, yɛhera mam toonfɛn'ɛhadoma nu'uhen. Gu'ura mam zabɛ bɔteba wa, n maahene te ba kɔhom n na'ma bahɛ wa zen'an. 5Pa'alɛ mɛŋa doma n maahom bɛnregɔ biŋe mam. Ba yeregɛ la ba yoka la bɛnrɛ mam, ge doohe bɛnrɛ mam dɔlɔga zen'enhe woo. 6Na'ayenɛ, mam yeti, Hom n de mam Yenɛ. Na'ayenɛ, kelehe n kaahega wa te n ɛɛra ho ninbɔn'zɔrɛ wa. 7Daana Na'ayenɛ, hon dela mam paŋadaana wa n faanre mam. Hom se'em n te'ele mam zuo zabera daarɛ wa. 8Na'ayenɛ, da bo toonfɛn'ɛhadoma wa sunboolom. Da bahɛ te ba maahom se'ere te de tom bii ba wan pa'alɛ ba mɛhe. 9Bahɛ te daaŋseko te n diŋdoma wa n kae mam wa, bote ne te ko paɛ mam la, tee sige ba zuo pin' ba. 10Bahɛ te bugumsaana n dite, ka'ɛ ba zuto na. Bahɛ te ba lobe ba bahɛ bugum poan. Bahɛ te ba lobe ba bahɛ bɔgɔkanra poan, te ba da le lebe na. 11Da bahɛ te sɛba n sagone nɛreba yu'ura sɛ' ze'ele teŋa la poan. Bahɛ te nɔyalegerɛ dige sɛba n bote zabera. 12Mam mi te Na'ayenɛ tare la sera dɔla taromdoma ge tɔgɔra pɔ'ɔra nahadoma ba yɛla poan. 13Yelemɛŋɛrɛ, tontɔɔdoma wan pɛngera ho yu'urɛ. Ge te sɛba n de ma'an la bɔna ho nɛŋan.

will be added

X\