Yooma 14

1Gerego n yele a suunren te Yenɛ ka boe. Ba dɛna ŋmɛlemadoma. Ba tooma zan'an fɛn'ɛn mɛ. Se'em ka boe ba pon tona som. 2Na'ayenɛ boe saazuo ha sure behɛ saaleba woo mɛ te a behɛ yamdaana ba poan, se'em n ɛɛra Yenɛ. 3Ba zan'an bire la pɔya, ba zan'an lagom ganlom mɛ. Se'em ka boe ba poan tona som, ayena mɛ ka boe. 4Basɛba n obere mam nɛreba la wo nɛra n obere boroboro se'em la, ge tona bo toonbe'ero ban bote se'em ge ka mina mam Na'ayenɛ la, ba ka mi' lan wan ta ana ba se'em? 5Namehegɔ wan paɛ ba bilam na. Se'ere n sɔe la Yenɛ boe la sɛba n nane en la. 6Yelebe'eteba wa n sagone nahadoma la sɔya bahera, ge Na'ayenɛ mɛŋa n de ba soka zen'an. 7Mam bote te Israel faanrɛ la wan ze'ele Zion zuin na. Na'ayenɛ han ta bahɛ te Israel nɛreba wa nu'o tara, la wan dɛna nyeema bo Yakob, ge dɛna popeelom bo Israel nɛreba.

will be added

X\