Yooma 138

1Mam wan pɛngɛ hom Na'ayenɛ la n suunre zan'an. Mam wan ze'ele yena nɛŋan yoon yooma pɛngɛ hɔ. 2Mam wan tɔ ho Toolom Yire la, pɔnrɛ na'ma bo ho yu'urɛ la fara ho zo'ohogɔ la ho birikinte la zuo. Se'ere n sɔe la, ho yu'urɛ la ho yelehom kanregɛ gana sɛla woo mɛ. 3Mam han kaahɛ, ho kelehe mɛ. Ho eŋɛ mam te n kpe'em mɛ, ge tara sunkanberɛ. 4Bahɛ te teŋparɛ wa zuo nadoma woo, han wom hom nɔɔrɛ yelehom wa, pɛngɛ hom Na'ayenɛ wa. 5Bahɛ te ba tara hom sɔrɔtɔ yɛla wa yoona. Se'ere n sɔe la, Na'ayenɛ na'ahegɔ la kanregɛ mɛ. 6Na'ayenɛ han boe la zuin ha, a behere taromdoma mɛ na. Ge sɛba n pa'alɛ ba mɛhe, a mi' la zaen mɛ la ba. 7La mam han bɔna daaŋɔ teŋasoka la, hom gure n vom. Ho tɛɛn ho nu'o zaberɛ la n diŋdoma sunsunyiim la. Ho nu'o zu'ɔ fan' mam. 8Na'ayenɛ wan tom biŋe a nɔɔrɛ se'em la bo mam. Na'ayenɛ, ho zo'ohogɔ la ka tare ba'ahegɔ. Da zagahɛ ho nu'o n tom sɛla wa.

will be added

X\