1 Pɛngɛ Na'ayenɛ! Na'ayenɛ ane la soŋa. A zo'ohogɔ la ka tare ba'ahegɔ. 2 Pɛngɛ Yenɛ, Yenɛ gane yena mɛ. A zo'ohogɔ la ka tare ba'ahegɔ. 3 Pɛngɛ daandoma Daana la. A zo'ohogɔ ka tare ba'ahegɔ. 4 Enŋa ma'an n tone nyalema kanra. A zo'ohogɔ la ka tare ba'ahegɔ. 5 A mi'ilom te a dekɛ naam saazuo wa. A zo'ohogɔ la ka tare ba'ahegɔ. 6 Enŋa n yeregɛ teŋparɛ wa ko'kantɛ zuo. A zo'ohogɔ la ka tare ba'ahegɔ. 7 Enŋa n maalɛ wontɛɛŋa la ŋmarega la ŋmarebibihe. A zo'ohogɔ la ka tare ba'ahegɔ. 8 Te wontɛɛŋa sɔna beyiine. A zo'ohogɔ la ka tare ba'ahegɔ. 9 Te ŋmarega la ŋmarebibihe sɔna yu'uŋɔ. A zo'ohogɔ la ka tare ba'ahegɔ. 10 Enŋa n wa ko' Mizraim teŋa bideeŋa woo la. A zo'ohogɔ ka tare ba'ahegɔ. 11 Ge tare Israel ba poan yehe na. A zo'ohogɔ la ka tare ba'ahegɔ. 12 A mɛŋa nu'o paŋa n tare ba yehe na. A zo'ohogɔ la ka tare ba'ahegɔ. 13 Enŋa n wa bahɛ te Mɔgɔ Mɔlega ko'om la bɔkɛ boyi'. A zo'ohogɔ la ka tare ba'ahegɔ. 14 Ge bahɛ te Israeldoma nɛ kɛ'ɛŋa poan dooe. A zo'ohogɔ la ka tare ba'ahegɔ. 15 Ge ko Faro la a pɛɛntɛɛnreba la Mɔgɔ Mɔlega la poan. A zo'ohogɔ la ka tare ba'ahegɔ. 16 Enŋa n daa boe a nɛreba la nɛŋa pɔgɔtia la poan. A zo'ohogɔ la ka tare ba'ahegɔ. 17 Enŋa n ko nadoma n kpe'em. A zo'ohogɔ la ka tare ba'ahegɔ. 18 Ge a kɔrom nakanreba. A zo'ohogɔ la ka tare ba'ahegɔ. 19 Amori teŋa naba Sihon. A zo'ohogɔ la ka tare ba'ahegɔ. 20 La Basan teŋa naba Og. A zo'ohogɔ la ka tare ba'ahegɔ. 21 Ge a dekɛ ba teŋhe la te se dɛna Israeldoma sɔ'ɔlom. A zo'ohogɔ la ka tare ba'ahegɔ. 22 Te ba teŋhe la lebege Na'ayenɛ yameŋa Israel sɔ'ɔlom. A zo'ohogɔ la ka tare ba'ahegɔ. 23 Enŋa n Se'em n tɛnre tomam yele mɛ te to dagana sɛla la. A zo'ohogɔ la ka tare ba'ahegɔ. 24 Enŋa n fan' tomam to diŋdoma nu'uhen bahɛ. A zo'ohogɔ la ka tare ba'ahegɔ. 25 Enŋa n bo'ore bonvɔa woo dia. A zo'ohogɔ la ka tare ba'ahegɔ. 26 Bo' ya Yenɛ, se'em n sɔe saazuo wa farafara. A zo'ohogɔ la ka tare ba'ahegɔ.
