Yooma 135

1Pɛngɛ Na'ayenɛ! Pɛngɛ Na'ayenɛ yu'urɛ la. Na'ayenɛ yamehe wa, pɛngɛ ya Na'ayenɛ. 2Yamam sɛba n tone Na'ayenɛ yire wa poan wa, yamam sɛba n tone to Yenɛ yire zenzaka poan wa, pɛngɛ ya en. 3Pɛngɛ ya Na'ayenɛ, ge Na'ayenɛ ane la soŋa. Yoon ya yooma pɛngɛ a yu'urɛ la, ge bala n zan'anhom. 4Se'ere n sɔe la, Na'ayenɛ loe la Yakob te a dɛna a denɛ. A loe la Israel, te a dɛna a mɛŋa lɔkɔ. 5Mam mi' te Na'ayenɛ kanregɛ mɛ. Mam mi' te to Daana la kanregɛ mɛ gana yena zan'an. 6Na'ayenɛ ete la sɛla n tegɛ a nini saazuo ha, la teŋparɛ wa zuo la ko'kanra wa teŋa ha la la teŋa teŋa ha. 7Enŋa ne bahɛ te ko'om ze'ele teŋparɛ wa, zom saazuo. Enŋa n tone saa tanhega, la ka nia. Enŋa n ne yehe sabeeo a baanren bahɛ na. 8Enŋa n ko Mizraim teŋa bikeema woo, nɛresaaleba la dunhe kɔmdeena. 9Mizraim, enŋa n tom nyalema bahɛ ho poan na la. A tom bɔ'ɔra Faro la a yamehe la zan'an zuo na la. 10A lobɛ teŋhe mɛ kekeko la ko nadoma zo'e zo'e. 11A ko' Amori teŋa naba Sihon la Basan teŋa naba Og la Kanaan teŋa nadoma la zan'an, 12ge a dekɛ ba teŋhe la bo a nɛreba Israeldoma te la dɛna ba sɔ'ɔlom. 13Na'ayenɛ, ho yu'urɛ la boe la bala yɛ'ɛha. Na'ayenɛ, ba tɛnre ho la bala saŋa woo poan. 14Se'ere n sɔe la, Na'ayenɛ wan pa'alɛ te a nɛreba la ka tare tuure. A wan zɔ a yamehe la ninbɔn'ɔn. 15Teŋhe la baga la dela sanlenpeelega, la sanlema, te nɛreba nu'uhe yagom. 16Ba tare nɔya, ge ba ka tan' tɔgɔra. Ba tara nini, ge ka nyɛta. 17Ba tare toba, ge ka wona, bii vo'ohom ka bɔna ba nyɔyan. 18Sɛba n yagone ba la wan ana wo baga la, te sɛba n dele baga la, ana bala mea. 19Israel yiredoma wa, pɛngɛ ya Na'ayenɛ. Aron yiredoma wa, pɛngɛ ya Na'ayenɛ. 20Levi yiredoma wa, pɛngɛ ya Na'ayenɛ. Yamam sɛba n zote Na'ayenɛ wa, pɛngɛ ya Na'ayenɛ. 21Nɛresɛba n boe Zion Zoore, pɛngɛ ya Na'ayenɛ. Pɛnka dɛna Na'ayenɛ se'em n boe Yerusalem la denɛ. Pɛngɛ ya Na'ayenɛ.

will be added

X\