Yooma 120

1Mam mɛlɛhegɔ la poan, mam kaahɛ bo la Na'ayenɛ, te a kelehe mam. 2Na'ayenɛ, fan' mam ponpɔrɔŋdoma wa nɔya wa poan bahɛ, ge fan' mam pan'ahegɔ doma zen'an bahɛ. 3Ponparoma wa, Na'ayenɛ wan eŋɛ ho la wane? A wan eŋɛ ho la wane? 4A yeti a namehe ho mɛ la zaberɛ, a yeti a dekɛ la tisɛka bugum saana n tole nyɔ' hɔ. 5Ge la dela yele bo mam mɛ la mam te n kɛn'ɛra Mesak la Kedar wa. 6Mam kɛn' mɛ la sɛba n ka bote sunma'ahom wa yuue mɛ. 7Mam dela sunma'ahom daana, ge mam ha tɔgɛ, bama ne bɔta la zaberɛ.

will be added

X\