1 Na'ayenɛ, dagɛ tomam zuo, ge ho yu'urɛ soŋa la, la ho zo'ohogɔ la, la ho birikinte la zuo. 2 Bene zuo te teŋhe wan soke yeti, Ba Yenɛ la bɛɛ? 3 Tomam Yenɛ boe la saazuo. A ete la sɛla n tegɛ a mɛŋa nini. 4 Ge nɛreba baga dela sanlenpeelega bii sanlema te nɛresaaleba dekɛ ba nu'uhe yagom. 5 Baga tare nɔya mɛ ge kan ta'an tɔgɛ, tara nini ge ka nyɛta, tara toba ge ka wuna, 6 tara toba ge ka wuna, tara nyɔya ge ka tana vɔ'ɔha. 7 Ba tare nu'uhe ge kan ta'an dekɛ sɛla, tara na'ma ge ka tana kena, bii ba wuunlom la ba konkore. 8 Sɛba n yagone baga la wan ana wo baga la, te sɛba n dele baga la me ana bala mea. 9 Israel yire dele la Na'ayenɛ wa. Enŋa n soŋorɛ ba, ge dɛna ba tɛ'ɛlega. 10 Aron yire dele la Na'ayenɛ wa. Enŋa n soŋorɛ ba, ge dɛna ba tɛ'ɛlega. 11 Sɛba n zote en la dele la Na'ayenɛ wa, enŋa n soŋorɛ ba, ge dɛna ba tɛ'ɛlega. 12 Na'ayenɛ tɛnre to yele mɛ, ge kan'ara baha to zuo. A wan kan' bahɛ Israel yiredoma zuo. A wan kan' bahɛ Aron yiredoma zuo. 13 Na'ayenɛ wan kan' bahɛ sɛba woo n zote en la, bonkoroba la bonbibihe zan'an zuo. 14 Na'ayenɛ wan bahɛ te hom la ho kɔma zan'an wi'ɛ. 15 Na'ayenɛ se'ere n naam saazuo la teŋparɛ wa la, wan kan' bahɛ ho zuo. 16 Zuin zuin ha dela Na'ayenɛ denɛ. Ge teŋparɛ wa zuo te a dekɛ bo nɛresaala. 17 Ke'endoma ka pɛngere Na'ayenɛ. Dagɛ sɛba n gan' yɔɔ poan la n pɛngere Na'ayenɛ. 18 Tomam vɔpa n pɛngere Na'ayenɛ nananawa yɛ'ɛha. Pɛnka dela Na'ayenɛ denɛ.
