Yooma 114

1Israel n wa ze'ele Mizraim yehe na la Yakob yire wa n wa ze'ele teŋsɛka te a dɛna saana ka poan yehe na la, 2Yuda n wa dɛna Yenɛ toolom yire, te Israel dɛna a denɛ. 3Te ko'kantɛ nyɛ zɔ. Yordan Kolaa la kan'ahɛ mɛ lebe pooren ha. 4Te zɔya zɔ wo peraahe la, te zobibihe ɛngera wo pebibihe la. 5Ko'kantɛ wa, bene en bahɛ te ya zɔ bala? Yordan Kolaa wa, bene en bahɛ te ho kan'ahɛ lebe pooren la? 6Zɔya wa, bene en bahɛ te ya zɔta wo peraahe, te zobibihe wa ɛngera wo pebibihe wa? 7Teŋparɛ wa, gbe'ere ya mɛ Daana la nɛŋan. Gbe'ere ya mɛ Yakob Yenɛ la nɛŋan. 8Yenɛ se'ere n bahɛ te taŋa lebege bɔka la. Yenɛ se'ere n bahɛ te taŋkɛ'ɛŋa paɛ paɛ lɛbege ko'nini la.

will be added

X\