Yooma 113

1Pɛngɛ Na'ayenɛ! Na'ayenɛ yamehe wa, pɛngɛ ya en. Pɛngɛ ya Na'ayenɛ yu'urɛ la. 2Pɛngɛ Na'ayenɛ yu'urɛ la zina, la saŋa woo. 3Pɛngɛ n wontɛɛŋa zɔŋa, ta paɛ ka sika zen'an. Na'ayenɛ yu'urɛ la dela de pɛngera. 4Na'ayenɛ na'am n sɔe teŋhe wa woo. A soŋa en to'e saazuo zan'an. 5Ane n ane wo Na'ayenɛ n de tomam Yenɛ wa? 6Ane n ane wo Yenɛ se'ere n zin' a na'am gɔŋɔ zuo zuin zuin ha, ge suuta behera saazuo la teŋparɛ wa na wa? 7Enŋa n bahɛ te naha ihegera nɔŋɔ poan, ge zɛnkera nɔŋɔ daana tampogerɛ zuo. 8Enŋa n tare ba ta lagom zin'ita la nabiihe. Ba mɛhe nɛreba nabiihe teŋasoka. 9Enŋa n bahɛ te kondɔgɔrɛ lɛbegera bimadaana, bɔna a yire poan la popeelom. Pɛngɛ dela Na'ayenɛ denɛ.

will be added

X\