Yooma 111

1Pɛngɛ Na'ayenɛ! Mam wan pɛngɛ Na'ayenɛ la en suunre zan'an, tontɔɔdoma lagaŋɔ la poan. 2Na'ayenɛ tooma kanregɛ mɛ. Sɛba n nɔŋɛ a la tɛnre a yele mɛ. 3A tooma la tare la soŋa la kpe'eŋo, te a tontɔɔ vom la ka tara ba'ahegɔ. 4A tom nyalema se'a n ka tare tameŋɔ. Na'ayenɛ ete la som, ge dɛna ninbaanlega daana. 5Enŋa n bo'ore sɛba n zote en la dia. A ka malom tamana a nɔbiŋere la. 6A pa'alɛ a nɛreba la a paŋa tooma la mɛ, dekɛ basɛba teŋhe bo ba. 7A nu'uhe tooma dela sakerɛ sera, la yelemɛŋɛrɛ. A pa'alegɔ zan'an dela sera. 8Ba ze' la kaŋkaŋe ka malom tara ba'ahegɔ. Ba perɛ mɛ la sakerɛ sera, la tontɔɔ vom. 9Enŋa n bo a nɛreba faanrɛ, ge sɛ a nɔbiŋere la ze'ele te de ka malom tara ba'ahegɔ. Fa'a, la dabeem n de a yu'urɛ. 10Na'ayenɛ zɔɔlom n de yam pɔhega. Sɛba woo n dole a pa'alegɔ la tare la bɔkerɛ. A pɛnka ka tare ba'ahegɔ.

will be added

X\