Yooma 104

1Mam suunre pɛngɛ Na'ayenɛ! Na'ayenɛ mam Yenɛ, ho kanregɛ mɛ. Ho bagɛ mɛ la kpe'eŋo la soŋa. 2A bagɛ la a mɛŋa la nɛɛhom wo fuo la. A yeregɛ saazuo wa mɛ wo soŋɔ la, 3ge ɛɛnbɛ a zuin bɔ'ɔ la ko'om zuo, te saŋgbana dɛna a yiri toroko, te a ban' sabeeo. 4A bahɛ te sabeeo n dɛna a bitonoŋa, te bugum peelom dɛna a yamehe. 5Enŋa n sɛ teŋparɛ wa yagelɛ ka ɛnberɛ zuo te ka kan malom miim. 6Ho pin' ka mɛ la ko'kantɛ wo fuo la, te ko'om la zom libe zɔya. 7Ho tanhɛ mɛ te ko'om la zɔ. Hom konkore la n tanhɛ wo saa la, bo ɛnkɛ mɛ. 8Bo zɔ mɛ yakɛ zɔya la sigera bɔn'ɔrɔ poan ha, zen'sɛka te hom loe bo bo la. 9Hom biŋe la beene te bo kan malom yakɛ. Bo kan le malom ta'an libe teŋparɛ wa. 10Yenɛ n bahere te saa niira baha bɔgɔhe poan, te se zɔta dɔla zɔya sɛngehe poan, 11bɔgɔhe senhe n bo'ore mɔen dunhe woo ko'om, mɔɔen boŋa koore ka ko'nyuuro la bilam, 12niihe lɛm ko'om la dita, ge yaga yila zuo yoona. 13A boe a saazuo yire la poan ge bahera zɔya wa na la ko'om. Teŋparɛ wa tegɛ mɛ la a nu'uhe etegɔ. 14A bahɛ te mɔɔ puhura bɔ'ɔra yiren dunhe, ge bahɛ te dia zɛ'ɛta teŋa mea yɛhera na, 15daam n bo'ore nɛra suunre nyeema, kaam n sɔnra nɛŋa yakara, boom n wan bahɛ te a vɔna. 16Tiihe la n de Na'ayenɛ denɛ la nyu' ko'om tegɛ mɛ, Lebanon teŋa mɔlɔsonɔ tiihe la te a sɛ la. 17Bilam te niihe tɛ'ɛra ba tegero. Zimyaahega tare a yire la zaaŋa yoko poan. 18Zɔya wogoro la dela mɔen boohe yire, te de sɛngehe poan dɛna sɔsaala yire. 19Ŋmarega n ne pa'alɛ saŋa, te wontɛɛŋa mina kaŋa wan lu se'em ma'an. 20Hom ne tare lika wa'ana, te la dɛna yu'uŋɔ, te mɔen dunhe la zan'an yehena ɛɛra. 21Gbegenɛ tanhere mɛ ɛɛra nɛŋɔ. A eere a dia la Yenɛ zen'an. 22Te wontɛɛŋa zom na, te ba zɔ mɛlom. Ba ne lebe ta gan'an la ba yogoro poan. 23Te nɛresaala me yehe tona, tona tona la zanɔɔrɛ. 24Na'ayenɛ, behɛ ho tooma n zo'e se'em. Hom dekɛ la yam maalɛ ba zan'an. Teŋparɛ wa perɛ mɛ la hom bonvɔɔhe. 25Ko'kantɛ n bala gan'an yɛ'ɛha la, perɛ la bonvɔɔhe en ka tare kanlɛ. Bo perɛ mɛ la bonvɔɔhe kanra, la bonbibihe zan'an. 26Bilam te ɔɔnrɔŋɔ dɔla kena ge lɛbera. Bilam te ko'om poan bonsɛla Leviatan la te hom maalɛ en te a bɔna bini la bɔna. 27Bana woo behere la hom te ho bo ba dia ba dia saŋa la. 28Hom han ne dekɛ bo ba, ba ne to'e mɛ di. Hom han ne tɛɛn ho nu'o, ba ne tegɛ mɛ la yelesoma. 29Hom han foe ho nu'o, dabeem ne kɛn' ba. Hom han to'e ba vo'ohom, ba ne ki mɛ lebe tentɔnɔ wa poan 30Hom han bo vo'ohom, ba vɔe mɛ, te vom le bɔna teŋparɛ wa zuo. 31Na'ayenɛ soŋa la bɔna bala wuuha. Na'ayenɛ yɛɛna la a tooma wa te a tom wa. 32Enŋa de se'em ne behɛ teŋa wa te ka gbe'era. Enŋa ne kalom zɔya te a taɛ dita. 33Mam wan yoon pɛngera Na'ayenɛ n vom zan'an poan. Mam vɔe wa, mam wan yoona pɛngera la Yenɛ. 34Mam nyeene hom Na'ayenɛ poan wa, bahɛ te n tɛn'ɛhegɔ ana soŋa bo ho. 35Be'emdoma wan mɛlom teŋparɛ wa zuo, te toonfɛn'ɛha ka bɔna. Mam suunre wa, pɛngɛ Na'ayenɛ, pɛngɛ Na'ayenɛ.

will be added

X\