Yooma 101

1Mam wan yoon ho nɔŋerɛ kantɛ la ho yelemɛŋɛrɛ la yele. Mam wan yoon pɛnka yoonɛ bo la hom Na'ayenɛ. 2N wan ma'ɛn n mɛŋa ge vɔna vom sebo en ka tare be'em. Wane ma'an te ho wan wa'an n zen'an na? Mam wan kɛn'ɛra en yire la suunre se'ere n ka tare be'em. 3N kan dekɛ en nini wa behɛ sɛla n de be'em. Mam ka kihi sɛba n dagɛ birikindoma la tooma mɛ? Ba kan dekɛ ba mɛhe tabalɛ mam. 4Sɛba n tare fan' potɛn'ɛra kan lɛna la mam. Mam ka tare se'ere te n eŋɛ la be'em. 5Hom se'em n sogɛ sagom ho tadaana yu'urɛ wan ki wana baanlam. Hom se'em n tare okorɛ, la pa'alɛ mɛŋa, mam ka bote hom daana. 6Mam la suunre pee mɛ la birikindoma la n boe teŋa la poan la zuo, te ba bɔna la mam. Hom se'em n kene te be'em ka bɔna ho poan n wan tona bɔ'ɔra mam. 7Se'em n tone pan'ahegɔ tooma kan malom bɔna mam yire la poan. Se'em n parone kan malom ze'ele mam nɛŋan. 8Bolika woo, n wan bahɛ te toonfɛn'ɛhadoma yee suram. N wan ŋmaɛ be'emdoma la woo Na'ayenɛ teŋa la poan bahɛ.

will be added

X\