Magaha 6

1N bia, ho han ze'ele to'e la sɛla bo ho sɔɔn bii saana, 2mina te ho bɛnrɛ la ho mɛŋa n bala, ho nɔɔrɛ yelehom la n wan nyɔkɛ hɔ. 3N bia, eŋɛ wana to'e ho mɛŋa bahɛ, la ho deŋɛ lu ho sɔɔn la nu'uhen la, sigehe ho mɛŋa kena lɛbera en. 4Da makɛ mum niho bii ho zɔgɛ. 5Zegɛ fan' ho mɛŋa woo walega n perehe te ka peɛn mɔkɛn'ɛra nu'uhen se'em la. Fobegɛ wo niiŋa n fobegɛ ka bɛnta nu'uhen se'em la. 6Zinyangarɛdaana wa, keŋɛ ta zamehɛ sɛla guunre wa zen'an la ho nyɔgɛ yam. 7Ba ka tare naba bii nɛŋadaana, 8ge ba ne maahom ba dia la samanpɔlɔgɔ beere, gbɛ'ɛra ba dia dia kɛ'a saŋa kɛn'ɛra na. 9Zinyangarɛdaana wa, daan denɛ te ho wan bahɛ azin'yoo wa? Ho wan ihege ho gan'an wa poan la daan denɛ? 10Bahɛ te n gan'arɛ fiin, bii n zɔgɛ fiin bii n zin'ire fiin daana ta baŋera la, 11te nɔŋɔ sige ho zuo wo se'em n faanre la, te kom kɛn' hɔ wo nayiga la. 12Nɛre yaalega, nɛrebe'a te a nɔɔrɛ ka ŋmɛgere yɛla, 13mumuha nini, tɛnbeha na'ma, ge yebeha nu'uhe, 14la ponpɔrɔŋɔ, la be'em pan'ahegɔ, kɔ'ɔn dɔla dɔnta. 15Nɔyalegerɛ wan sige nɛre'ena daana zuo na, sagom en te maalegɔ kana. 16Yɛla ayoobe te Na'ayenɛ ka bɔta, yɛla ayopɔe n de kihire bo Na'ayenɛ. 17Ninse'a n lobere, la ponpɔrɔma, la nu'se'ehe n ka'ahe ziim sebo n ka tare taalɛ baha, 18Sunse'ere n ugure be'emtooma, la dondɔnta, 19la aze'elenyɛdaana se'em n parone, la se'em n de zabibɔta. 20N bia, tɛnra ho sɔ n bo ho nɔse'ere la, da zagahɛ ho ma pa'alegɔ. 21Lo ba ta' ho suunre saŋa woo, lo ba yɛ ho nyugela. 22Ho han kena ba wan bona ho nɛŋa, ho han gan'an ginha, ba wan gura ho, ho han ta ihege, ba wan tɔgɔra la ho. 23Nɔɔrɛ bɔ'a la dela butolela, te pa'alegɔ la dɛna nɛɛhom, te tobedɔnlegerɛ la dɛna vom sebo, 24te la gu' ho pɔgɔyaleŋa wa n de bonbe'a tara nɔmalehom wa zen'an. 25Da sakɛ te pɔgɔkana soŋa tara ho koŋkoma'ahom ho suunre poan, bii ho bahɛ te ka nini lebegere la nyaŋɛ ho, 26Yiyɛa dite ho mɛ ta pe'ehɛ, ge nɛra pɔgɔba dɔlɔga dela kum. 27Nɛra wan ta'an vaɛ bugum ɔnbelɛ ge te bo kan di a futo? 28Bii nɛra zom bugum saana zuo kena ge bo kan lagɛ a na'ma? 29La ane la bala bo se'em n gan'arɛ la nɛra pɔga, Se'em ka boe wan gan'arɛ la ka ge kan nyɛ namehegɔ. 30Se'em kom n duni te a ta zun' te a di, ba kan daan en, 31ge ba han nyɔkɛ en, a wan lebehe yɔ n zun' sɛla la sugumnɔɔren boyopɔe, a wan dekɛ a yire lɔgɔrɔ zan'an tɛhɛ. 32Ge se'em n gan'arɛ la nɛra pɔga, a koŋe la yam, se'em n eere sagaŋɔ n tone wana. 33A wan nyɛ' fuula, la zufagahom, te a nyanɛ la kan malom sagom. 34Se'ere n sɔe la nyuunre en bahɛ te pɔgɔdaana la suunre ihegera, te a han yeti a lerege, gu'a kai. 35A kan nam kabonhe tooŋo, bii a nini tegɛ la bo'olom la n zone se'em woo te a tare na bo en.

will be added

X\