Magaha 3

1N bia, da makɛ tamɛ mam pa'alegɔ wa, ge bahɛ te mam nɔɔrɛ la bɔna ho suunre poan. 2Se'ere n sɔe la bama n wan bahɛ te ho vom dabeha la yuuma wɔgɛ, ge bo ho sunma'ahom. 3Da sakɛ te yelemɛŋɛrɛ la ninbɔn'zɔrɛ bahɛ ho. Lo ba yɛ ho nyugela ge golehɛ ba ho suunre poan. 4Bala te ho wan nyɛ zo'ohogɔ la yu'urɛ sonɛ Yenɛ la saaleba nɛŋan. 5Dɔla Na'ayenɛ la ho suunre zan'an, ge da dɔla ho mɛŋa mi'ilom. 6Ho sɛla woo poan, mina Yenɛ, bala te a wan tɛɛn ho sore woo tontɔɔ. 7Da tɛn'ɛhɛ te ho dela yamdaana, ge ton zɔta Na'ayenɛ ge ŋmɛregɛ ho mɛŋa yehe be'em poan. 8Bala en dɛna tebegɔ bo ho ge bogolɛ ho iŋganɛ wa. 9Na'aha Na'ayenɛ la ho sɛla woo, la ho samanɛ zuo dideena, 10ge bala te ho baanrɛ wan perɛ ɔlegɛ, te daam perɛ. 11N bia, da zagaha Na'ayenɛ tobedɔnlegerɛ, bii ho suunre sagom la Yenɛ tanhega. 12Se'ere n sɔe la, Yenɛ tanhere la en nɔŋɛ sɛba, wo sɔ n tanhere a dayɔsɛka te a nɔŋɛ se'em la. 13Popeelom boe mɛ la sɛba n nyɛ yam, la sɛba n bɔkere. 14Se'ere n sɔe la ho wan nyɛ yɔɔrɔ yam poan, gana ho nyɛ yɔɔrɔ sanlenpeela la sanlema poan. 15Yam nyane kuga mɔlebagenɛ, sɛla ka boe te ho bɔta te la soŋa dekera makera la yam. 16Vom woko boe la yam zuɔ nu'o poan, te a gɔbega nu'o zanla tarega, la na'ahegɔ. 17Yam sɔrɔtɔ woo tare la popeelom, te sunma'ahom bɔna a sɔrɔtɔ woo poan. 18Yam dela vom bɔ'ɔra sɛba woo n gorɛ en, sɛba woo n gorɛ en kaŋkaŋe la nɛreba yi'ire ba la popeelomdoma. 19Na'ayenɛ dekɛ la yam naam teŋparɛ wa, ge dekɛ bɔkerɛ maalɛ saazuo. 20A potɛn'ɛrɛ n naam ko'kantɛ wa ge te saŋgbana niira mɛgelom. 21N bia, bahɛ te yam la potɛn'ɛrɛ bɔna ho poan, da bahɛ te ba yehe ho zen'an, 22te bama n bo'ore ho suunre vom, ge ana wo nonɔm zɔntɔ te ho yɛ ho nyugela poan la. 23Bala te ho wan kena fai, ka ŋmɛ'ɛra na'arɛ 24Ho han gan'an, dabeem ka boe, ho gɔɔm zan'anhom mɛ. 25Da zɔta gbiri gbiri se'ere n kihige na, bii sabeeo seko n ŋmɛ'ɛre potɔpa baha la, 26ho dela Na'ayenɛ denɛ, te a wan gin' ho na'arɛ te ho kan sɛregɛ. 27Ho han wan ta'an eŋɛ som bo sɛba, da torɛ ho nu'o la ba. 28Da yele ho sɔɔn yeti, kule ge lebe beere na to'e, ge mina te ho tare wan dekɛ bo en. 29Da maahom be'em tom ho sɔɔn seko n boe ho nu'uhen. 30Nɛra han ka pɔgɔlom hɔ, da zabera la en yoo. 31Da bahɛ te ho nini tɛnta la sɛba n gbite, bii ho loe ba toonse'ere. 32Se'ere n sɔe la, nigom nigom doma la dela be'em lɔkɔ Na'ayenɛ nɛŋan, ge a niho boe la tontɔɔdoma la zuo. 33Na'ayenɛ pɔtɛ boe la be'emdoma yiya poan, ge kan'ara bɔ'ɔra tontɔɔdaana bɔŋa zen'an. 34Na'ayenɛ kɛhere sɛba n kɛhere la mɛ, ge tara ninbɔn'ɔn bo sigehe mɛŋa doma la. 35Yamdoma n wan to'e na'ahegɔ ge nyanɛ n wan di geto la.

will be added

X\