Magaha 29

1Ba han ne tanhɛ hɔ te ho zagahɛ ge kpere toba, ho wan sagom te maalegɔ kana. 2Tontɔɔdoma han bɔna kpe'eŋo poan nɛreba ne nyɛna mɛ, ge potɔpa han beha nɛreba, ba ne kaaha mɛ. 3Se'em n nɔŋɛ yam tooma bahɛ te a sɔ poore ne pee mɛ, ge gerego en sagone a ligiri yiyɛɛhe poan. 4Naba han eta sɛla n nare, a teŋa la tare la paŋa, ge a han pala la ligito'ohego, a teŋa la kan ana soŋa. 5Nɛra han pan'ahera a tadaana a bɛti la a mea. 6Ho han dɛna la bonbe'a eta sɛla n ka nare, ho be'em wan nyɔkɛ ho wo bɛnregɔ en nyɔkɛ duŋa se'em la, te yelemɛŋɛrɛdoma bɔna popeelom la fai poan. 7Tontɔɔdaana behere la naha boorɔ ze'elego, ge potɔya ka behere bala bii a kɛleha ba. 8Nɛre kɛhereba ta'an bahɛ te da'aŋɔ bɔna teŋsɛka n tare sunma'ahom poan mɛ, ge yamdoma ko'ore la suunre te nɛreba bɔna sunma'ahom poan. 9Yamdaana han tara nɔkpe'ene la gerego, gerego yetɔgom dela sunsunyiim la toore ge kan go'e a nɔɔrɛ. 10Nɛre koora yaɛ tontɔɔdoma mɛ ge tontɔɔdoma la gure nɛrebama vom mɛ. 11Gerego suunre ihege te a tanha, ge yamdaana suunre ane la baanlam. 12Naba han kɛleha ponpɔrɔŋɔ, a kpɛ'ɛndoma dela ŋmɛlemadoma. 13Naha, la se'em n muguhere en la zan'an mi' la yele deyenɛ, te Na'ayenɛ n bo'ore ba zan'an vom. 14Naba han gankera nahadoma la nare se'em la, a na'am gɔŋɔ la wan sɛ' ze'ele wuuha wuuha. 15Kafɛɛbega la tanhega bo'ore la yam, ge bia han eta sɛla te a bɔta a wan kɛn'ɛhe a ma' la vi. 16Nɛre ŋmɛlema han bɔna kpe'eŋo poan toonfɛn'ɛha malom pa'ahere mɛ, ge ba wan lu te tontɔɔdoma behera ba. 17Ho han tanha ho kɔma, ba wan bo sunma'ahom la popeelom. 18Zen'en te Na'ayenɛ liligere ka bɔna, nɛreba la tuune mɛ, ge Yenɛ som boe sɛba n dole pa'alegɔ la. 19Yameŋa han pon wakɛ, yetɔgom ma'an ka bahɛ te a nana. 20Ho nyɛ' nɛra en tɔgɔre ge ka tɛn'ɛhera, gerego tare be'ere potɛn'ɛrɛ sɔna en. 21Ho han dekɛ ho sɛla woo bo ho yameŋa a bilomen na, a wan ihege dayene tare sɛla woo keŋɛ te la dɛna a dene. 22Nɛra n ete sunsunya tɔtɔ tɔtɔ tare la nɔkɛɛne kena na, nɛra sunsunyiim tone la be'em kekeko. 23Nɛra en pa'ale mɛŋa, a lubere la a mɛŋa, ge se'em n sigehe a mɛŋa la wan nyɛ' na'ahegɔ. 24Ho han lagom ton toonfɛn'ɛhere, ho mɛŋa n de ho mea diŋdaana. Se'ere n sɔe la ho kan ta'an pɔ' ge tɔgɛ yelemɛŋɛrɛ. 25Dabeem wan bahɛ te daan kɛn' ho, ge ho han delom Na'ayenɛ ho wan bɔna fai. 26Nɛreba kekeko eere la zo'ohogɔ naba zen'en, ge Na'ayenɛ n bo'ore nɛra sɛla n nare. 27Tontɔɔdoma la yaɛ nɛre ŋmɛleŋɔ mɛ, ge toonfɛn'ɛhadaana yaɛ se'em n dole tontɔɔ sore mɛ.

will be added

X\