Magaha 26

1La ka sontii saa ni ɔɔnɛ bii ɔɔrɔ ma'ara dawalega, bala mea te gerego ka nara na'ahegɔ. 2Pɔtɛ se'ere n ka nare, wan enkɛ wo wuruga la laaleŋa n engɛre se'em la. 3Kafɛɛbega nare la yeho, te mi'an nara la boŋa, te gerego poore nara la kpa'aherɛ, 4Da lebehe gerego gɔɔn lebegɔ, bii ho me wan dɛna gerego. 5Lebehe gerego a gɔɔn toonɛ la en ane se'em la, ge la han dagana bala a wan tɛn'ɛhe a tare la yam. 6Ho han tom gerego, la ane mɛ wo ho ŋmaɛ la ho na'arɛ deyema bahɛ la bii ho nyu' la yabega la. 7Wo kɔɔrɔŋɔ na'ma yuuline se'em la, bala te yetɔgɔbiŋire yuulina gerego nɔɔrɛn. 8Ho han dekɛ kugure eŋɛ kalɔbega poan ge bobe de nɔɔrɛ ge kpa' de kan keŋɛ, bala mea te na'aha kan soŋɛ gerego. 9Wo daambugura n zale gɔn'an te ka lota en se'em la, gerego yetɔgɔbiŋa ane la bala mea. 10Ho han dekɛ gerego bii daambugura te tom toonɛ, ho ane wo nɛra en tɛɛn yoo te de pɔgɔlom nɛra. 11Wo baa n lebe ta di ka tiinro se'em la, gerego han le ton geretooma a ane bala mea. 12Ho nyɛ nɛra en tɛn'ɛhe te a dela yamdaana la? Gerego tare be'ere potɛn'ɛrɛ sɔna en. 13Zinyanka yeti, gbegenɛ n boe soren, gbegenɛ n boe peelomɛ ha. 14Wo koleŋa n yagɛ ka ba'are zuo ŋmɛreha se'em la, zinyanka ŋmɛrehe a soŋɔ zuo la bala mea. 15Zinyanka dekɛ la a nu'o tom laa poan a kan foe ko. 16Zinyanka tɛn'ɛhe te a yam en zoe gana nɛreba bayopɔe lebehe soŋɔ. 17Se'em n kɛn' zabse'ere en ka pakɛ en poan, a ane wo baa zɔlɔgɔ te ba gin'. 18Zɔlɔgɔ han tɛɛn bugum pɛma la pɛɛma te ba pa'arom, la wan sagom lɔgɔrɔ zo'e zo'e. 19Bala te se'em n pan'ahɛ a sɔɔn ge yeti n de'ene mɛ la ana. 20Dɔɔrɔ han ka bɔna, bugum wan kiŋɛ, zen'en te waahegɔ ka bɔna nɔkpe'ene ka vɔe bini. 21Hon eŋɛ saana pa'ahe bugum poan bii hon eŋɛ dɔɔrɔ pa'ahe bugum poan bo dite la kekeko, bala mea te zabɔɔhomdaana tare la zaba kekeko. 22Yelebibiha yetɔgom ana wo sagebonya la, sigera iŋa poan. 23Wo ba yagɛ baha n dokɔ se'em la, bala te se'em poorɛ n tɔe nɔɔrɛ ana malemale. 24Nɛra han yaɛ ho ge tɔgɔra bɔ'ɔra hɔ a pa'ate mɛ ge a puuren dela be'em ma'an te a ma'ahom. 25Diŋdaana han pon bɔta a mɛlɛ a nɔɔrɛ la se'em mɛ, da da nam. Se'ere n sɔe la be'em woo sogɛ bo poan. 26La en pon pin'ira be'em la, bo wan nɛɛ nɛreba nɛŋan. 27Se'em n tun' boko, a mɛŋa wan lu ko poan, te hom se'em n lobe kugure, de lebere la hom zuo na. 28Se'em n parone yaɛ nɛreba mɛ ge pɔgɔlom na ba, ponpɔrɔŋɔ ye' la sagaŋɔ poan.

will be added

X\