Magaha 2

1N bia, ho han bɔta te ho to'e mam yelehom wa, ho han bɔta te ho to'e mam nɔɔrɛ te de dɛna lɔgɔsoŋɔ bo ho, 2bahɛ te ho toberɛ ana kɛle kɛleha sɛla n de yam, ge kɛleha bɔkerɛ soŋa. 3Ho han zegera te ho nyɛ liligere, ge kaaha ɛɛra bɔkerɛ, 4ho han ɛɛra yam la ane wo la dela sanlenpeela la, ɛɛra ba wo ho lɔkɔ en bɔregɛ la, 5ho nya wan nyɛ liligere Na'ayenɛ zɔɔlom poan, ge baŋɛ Yenɛ mɛ. 6Se'ere n sɔe la, Na'ayenɛ n bo'ore yam. Yam, la bɔkerɛ ze'ete a nɔɔrɛn na. 7A dekɛ la yam biŋe sɛba n de tontɔɔdoma la, a dela tɛ'ɛlega bo sɛba n ka tare tuure. 8A wan gu'ura seradoma kenɛ zen'an woo, ge behera birikindoma la sɔrɔɔ woo poan. 9Bala te ho wan baŋɛ tontɔɔ, la sera, la sɛla wo n de som. 10Se'ere n sɔe la, yam la potɛn'ɛrɛ nya wan bɔna ho poan bɔ'ɔra sunma'ahom. 11Ho tana nyɔkera ho mɛŋa, ge tara bɔkerɛ, 12Yele ana wan gu' ho nɛresɛba en tɔgɔre yetɔgɔyooro la zen'an, 13la sɛba n ka bote tontɔɔ ge dɔla lika la. 14Ba nyeene la be'em poan, ge nɔŋɛ be'em toonyooro, 15ge dɔla sɔrɔɔ ŋmɛlema, te ba tooma dɛna nigiŋɔtooma. 16Yam buna wan fan' hɔ pɔgɔyaalega nu'uhen bahɛ, se'em nɔmalehom en kan tana hɔ. 17Ka bahɛ ka bonbilomen zaba mɛ, ge tamɛ ka yuum biŋe nɔse'ere la ka Yenɛ la, 18ho han neera ka yire sɔrɔɔ wa, ho ye'ehe la kum poan, 19se'em woo n keŋɛ ka zen'an kan lebena, bii a nyɛ vom sore le yɛ'ɛha. 20Bala zuo, dɔla som sore, gorɛ sera sore la kaŋkaŋe. 21Nɛre tontɔɔdoma la wan vɔna teŋa la poan, sɛba n ka tare tuure wan yee teŋa la poan, 22ge ba wan ŋma potɔpa la bahɛ, ge vɔn' nɛre wuruba la ka poan.

will be added

X\