Magaha 18

1Se'em n yelege a mea tɛn'ɛhere la a mɛŋa ma'an yele, ge zagahɛ yam. 2Gerego ka tare nɛŋa la yɛla bɔkerɛ, ge a nɔŋɛ la sɛla n boe a mɛŋa poan ma'an. 3Toonfɛn'ɛhadaana han wa'ana zɛɛhe n dole, vi me dole la a ka nane daana. 4Nɛra potɛn'ɛrɛ kɔ' mɛ wo bulega la, bula la yam. 5La ka nare te ho zo'ohɛ be'emdaana, bii ho fan' seradaana boorɔ. 6Gerego nɔɔrɛ yetɔgom tara la zaberɛ kena na, ge le yi'ira ŋmɛ'a bɔ'ɔra en. 7Geto nɔya en sagone ba, ge dɛna bɛnregɔ bo ba. 8Yelebibiha yetɔgom ane mɛ wo sagebonya la, sigera iŋa poan ha. 9Zenyaŋɛ daana dela sagona sɔɔn. 10Na'ayenɛ dela sokazen'en, te tontɔɔdoma zɔta kɛn'ɛra fai. 11Dakanrɛ lɔgɔrɔ dela a paŋa, te a potɛn'ɛrɛ dɛna la a tarega la dela dangoone woko kae en. 12Sagaŋɔ dole la pa'alɛ mɛŋa poore, te na'ahegɔ dɔla sigehe mɛŋa. 13Ho han ka kelehe ge lerege, la dela geretooma la nyane. 14Nɛra wan ta'an ŋmibe ban'an poan, ge ane n wan ta'an ŋmibe sunsagaŋɔ poan? 15Se'em n tare bɔkere n tare yam te yamdaana toberɛ kɛleha eere baŋere. 16Nɛra bo'olom yu'urɛ la sore bɔ'ɔra en te a kɛn'ɛra nɛrekanreba zen'en. 17Se'em ne wa'an yia na ko'ohe yele a ane tara la boorɔ, gura te ayema la me wa'ana. 18Gbaŋa ŋmɛ'a en tan' nɔkpe'ene, ge gankera panhedoma. 19Ho han tue ho sɔɔn, ya naare kpe'em gana teŋa te dangoone kae te ho zabɛ la dɛ, te nɔkpe'ene mɛ kpe'em wo kuto nayaŋa. 20Ayema nɔɔrɛ ko'om pete ayema puurɛ, te sɛla n yehere ho nɔɔrɛ na tegera en. 21Vom, la kum paŋa zan'an boe la zɛleŋa wa poan, te sɛba nɔŋɛ bala la wan dita ka wɔla. 22Hom se'em n nyɛ pɔga gin' bonsola, la dela bo'olom somɔ Na'ayenɛ zen'en. 23Naha tɔgɔre du'uha mɛ, ge bontata leregere la n bote se'em. 24Dagɛ zɔtɔ woo n de zɔ'soŋɔ, ge zɔ'soŋɔ lɛm mɛ gana sɔɔn.

will be added

X\