Magaha 11

1Piŋa lɔgɔmahegɔ dela yelefɛn'ɛherɛ Na'ayenɛ nɛŋan, ge magahegɔ ma'an ma'an n de sɛla te a bɔta. 2Pa'alɛ mɛŋa han wa'ana, sagaŋɔ n dole, ge yam n dole sigehe mɛŋadoma. 3Birikinte n gu'ure seradoma, ge ponpɔrɔŋdoma la ŋmɛlema la n sagone ba. 4Tarega ka tare vɔnrɛ sagaŋɔ daarɛ, ge tontɔɔvom faanre ho la kum poan bahera. 5Tontɔɔvom la en bahɛ te nɛresoma ta'an kena tontɔɔ, ge potɔpa la mɛŋa potɔɔ la n koore ba. 6Tontɔɔdoma la vomsomɔ la faanre ba baha mɛ, ge ponpɔrɔŋdoma la mɛŋa sɔya n nyɔgere ba. 7Pɔtɔpa han ki, ba sɛla woo ne ba'ahɛ mɛ, te sɛba n ka zote Yenɛ potɛn'ɛra bahɛ yoo. 8Tontɔɔdoma yehere yele poan mɛ, ge te potɔpa tee luta bini. 9Sɛba n ka zote Yenɛ tare la ba nɔya sagona taaba, ge potɛn'ɛrɛ n yehere yamdoma la. 10La han ana tontɔɔdoma la soŋa, nyeema n boe teŋa la poan, te potɔpa ki, te popeelom bɔna. 11Tontɔɔdoma kan'an en bahɛ te teŋa dɛna teŋkantɛ, ge potɔpa nɔya en sagone teŋa. 12Se'em n pɔ'ɛ a tadaana a ka tare yam, ge min'ilom daana ane la baanlam. 13Yelebibiha yehe mɛ kɔ'ɔha yɛla, ge se'em n de yelemɛŋɛrɛdaana tan' a mɛŋa tara mɛ. 14Zen'an te gu'ulom ka bɔna, teŋa la ne lu mɛ, ge kan'aneba han zo'e daaŋɔ ka boe. 15Ho ze'ele to'e sanɛ bo saana tare la daaŋɔ yɛ'a na, ge ho han zagahɛ, daaŋɔ ka boe. 16Pɔgɔsɛka n mi' zo'ohogɔ tare la zuo, ge boraa wuruba yean nyɛta la lɔgɔrɔ. 17Ete soŋɔdoma nyɛte yɔɔrɛ ba som la poan mɛ, ge pubuguha pogolene la mɛŋa. 18Potɔya nyɛte la ponpɔrɔm nyonrɔ, ge se'em n buti tontɔɔtooma nyɛte la yɔɔrɛ sonɛ. 19Hom se'em n lo ho suunre la tontɔɔ vom wan vɔna, ge se'em n dole be'em na'ma ki'ire mɛ. 20Potɛn'gonlema fɛn'ɛ mɛ Na'ayenɛ nɛŋan, ge a nini gan' sɛba n ka tare tuure la zuo mɛ. 21Mina te potɔpa kan keŋɛ fai, ge tontɔɔdoma wan peɛn. 22Pɔgɔsoŋa n ka tare yam ane mɛ wo, sanlema baŋa n yuli kurikuri nyɔrɛ poan la. 23Tontɔɔdoma sunboolom ne ta ba'ahɛ la soŋa, ge potɔpa potɛn'ɛrɛ ne ta ba'ahɛ la sunsunya. 24Sɛba bo'ore la yabi yabi, ge malom panta, te sɛba guma ka bɔ'ɔra ge malom nameha. 25Bɔ'ɔra malom panta mɛ, te se'em n bo'ore ko'om malom nyɛta ko'om. 26Nɛreba zɛrɛgerɛ sɛba n gu' dia biŋe la mɛ, ge kan'are bɔ'ɔra sɛba n tare yehe na kɔɔhere la. 27Se'em n eere som ninmɔ'ɔrɛ, eere la zo'ohogɔ, ge se'em n eere be'em la bo sigere la zuo na. 28Sɛba n dele lɔgɔrɔ wan ku'e, ge tontɔɔdoma wan puhura vɔn' paala. 29Sɛba n gbirigere ba yiya wan ta tara la zaŋa, te gerego dɛna yamdaana yameŋa. 30Tontɔɔdoma wɔla dela vom tia, ge se'em n tare nɛreba dela yamdaana. 31Ba han lɛregera tontɔɔdoma teŋa wa zuo, potɔpa la be'emdoma nya wan ana la wane?

will be added

X\