Magaha 1

1David dayɔa Solomon n yuun de Israel naba la yetɔgɔbiŋire n wana. 2Yetɔgɔbiŋire bo'ore la yam, la kan'aŋɔ, la yɛla bɔkerɛ soŋa soŋa, 3ge bahera te nɛra bɔkera yam tooma, tontɔɔ vom, yelemɛŋɛrɛ, la suuregɔ, 4te yampɔ'ɔredaana nyɔkerɛ la a mɛŋa, te bonbilipaalega tara yam, ge goŋera a mɛŋa. 5Sɛba n pon tara yam n kelehe, la ba nyɛ bɔkerɛ, te sɛba n tare bɔkerɛ nyɛ baŋere. 6Te a bɔkɛ yetɔgɔbiŋire, la yamdoma magaha la vɔnrɛ n de se'em. 7Na'ayenɛ zɔɔlom n de yam pɔhega, ge gerego n ka bote yam la pa'alegɔ. 8N bia wa, kɛleha ho sɔ nɔɔrɛ, da zagaha ho ma pa'alegɔ, 9ge ba dela nonɔm sapibire te ho wan dekɛ vuge ho zuo, ge dɛna nonɔm banhe te ho wan dekɛ yɛ ho nyugela. 10N bia yelebe'eteba han pan'ahɛ hɔ, da kelehe ba. 11Ba han pan'ahɛ ho yeti, wa'ana te to keŋɛ ta sogɛ ko, to ko nɛra se'em n ka tare taalɛ, 12to ane wo yɔɔ n vole muma la, wo ban ne pin' nɛra mune se'em la. 13To han ko ba, to wan nyɛ lɔgɔsonɔ woo. To yiya wan perɛ la fan' lɔgɔrɔ. 14Ho han lagom to, to wan tɔnrɛ sɛla te to wan nyɛ la ma'an ma'an. 15N bia, da doohe ba na'ma. Da zɛnkɛ ho na'arɛ doohe ba sore la, 16Se'ere n sɔe la, ba na'ma la kanbele mɛ yɛ'a be'emtooma poan ba kanbele yɛ'a la ziim ka'ahegɔ poan. 17Niiŋa la han deŋɛ nyɛ bɛnregɔ ko gan' la yoo, 18ge la bala zan'an ba ne sogɛ mɛ gan'an te ba ko mɛ, ge ba yeti ba ko la ba mɛhe, ba sogɛ gan'an gura la ba mɛhe vom. 19Sɛba woo n koore te ba nyɛ lɔgɔrɔ ba'ahegɔ sɔrɔɔ ane la wana, ba doma ba'ahegɔ dela kum. 20Yam dole la sore zuo mɔɔla a mɛŋa te ba da'. 21Zen'an n mikere woo a mɔɔle bini mɛ, a tɔgɔre teŋa nayaŋa poan mɛ. 22Yampɔ'ɔredoma wa, wane ma'an te wan bahɛ ya gɔɔntooma wa? Nɛrekɛhereba wan bahɛ nɛreba kɛhega la wane ma'an, te geto me bahɛ yaarɛ se'ere te ba yaɛ yam wa? 23Kɛleha mam yeti ho se'em wa, n wan pirege n poorɛ zan'an pa'alɛ ho. 24Mam yi' te se'em ka kɛleha, te n tɛɛn n nu'o te se'em ka wa'ana, 25la hom n zagahɛ mam kan'aŋɔ la woo, ka to'e mam tanhega la kayena me la, 26nɔyalegerɛ han ta paɛ hɔ, mam la'arɛ mɛ, paleŋ'ɛnka han sige ho zuo na, mam wan ɛnregera hɔ. 27Paleŋ'ɛnka wan vagelena hɔ wo sabeeo la, te nɔyalegerɛ vagelena hɔ, te ninbaanlega, la sunsagaŋɔ lure ho. 28Bilam te ba wan yi'ira mam, ge n kan lerege ba. Ba wan mɔ'ɛ nini ɛ mam, ge ba kan nyɛ mam. 29Se'ere n sɔe la, ba yaɛ baŋere mɛ, ge me daa ka te'ele loe Na'ayenɛ zɔɔlom, 30ka tara mam kan'aŋɔ la koyena me, ka dekɛ mam tanhega yi' sɛla, 31bala zuo, ya wan di ya tooma la yɔɔrɔ, ge te ba nini tegɛ la nigiŋɔtooma la. 32Se'ere n sɔe la toonyooro en koore yampɔ'ɔredaana, te putegerɛ ko gerego. 33Ge sɛba n kelehe mam boe la fai te sɛsɛla ka daana ba.

will be added

X\