Kanlɛ 7

1Moses n daa ta tin' Sogorɛ la ba'ahɛ la, a sɔ' dɛ mɛ la kaam, la lɔgɔseto te ba maalɛ te ba tara tona Sogorɛ la poan la. A sɔ' kaanbegɔ daka la kaam, la lɔgɔseto woo te ba tara tona de zuo la. 2Te Israeldoma nɛŋadoma la, la yizuo keendoma sɛba n de ba yizuto nɛŋadoma behera sɛba woo te ba kaanle la, bo ba bo'olom. 3Ba bo'olom la n de sɛla te ba tare wa'an Na'ayenɛ nɛŋan dela toroto toyoobe te ba pin' to, la lɔlehe pia la seyi', nɛŋadaana woo lɔlega. Lɔgɔtona te ba tare wa'an Sogorɛ la poan na bo. 4Te Na'ayenɛ daa yele Moses yeti, 5To'e ba lɔgɔrɔ la, ho ta'an dekɛ to tom Sogorɛ la poan tooma. Dekɛ to tɔnrɛ Levi buuri la wo nɛra woo tooma n son te ho bo en se'em la. 6Te Moses to'e toroto la lɔlehe la, tɔnrɛ Levi buuri la. 7A dekɛ la toroto toyi' la lɔlehe seyi' bo Gerson buuri la, wo ba toone la n son te a yɔ ba se'em la, 8ge me dekɛ toroto tonaahe la lɔlehe senii bo Merari buuri la wo ba toone la n son te a yɔ ba se'em la. Bana zan'an bo la malemadaana Aron dayɔa Itamar nu'uhen te a pa'ala ba ban wan tona se'em. 9Ge Moses ka bo Kohat buuri la sɛla se'ere zuo bama toonɛ dela ba ziira toolom lɔgɔrɔ la, ba toonɛ n daa bala. 10Ban ta sɔ' kaanbegɔ daka la kaam ba'ahɛ ge yeti ba nya dekɛ de enŋɛ Na'ayenɛ nu'uhen la, nɛŋadoma la tara ba bo'olom wa'an daka la zen'an. 11Na'ayenɛ yeti daarɛ woo nɛŋadoma la ayena son te a tare a bo'olom na te ba dekɛ daka la enŋɛ Na'ayenɛ nu'uhen. 12Se'em n daa tare a bo'olom wa'an pɔhega daarɛ la na dela Aminadab se'em n de Yuda buuri la dayɔa Nason. 13A bo'olom la daa dela sanlenpeelega te ka tebehom zɔna la sanlenpeelega kpila kɔbega la pihitan', ge te deyema me tebehom me zɔna la sanlenpeelega kpila pihiyopɔe, wo ba han dekɛ Sogorɛ poan wanɛ la magahera, te a nɔm zom somɔ la kaam perɛ ba zan'an, a boom bo'olom, 14ge te a le dekɛ sanlema laabila te ka tebehom zuna sanlema kpila pia te ka perɛ la ko'ɛnka, 15ge tara lɔletalɛ, la peraa kayena, la perabila n de yuunɛ deyena te bama dɛna nyɔ'an bo'olom, 16ge le tara botela kayena, te kaŋa dɛna yelebe'ero kaanbegɔ bo'olom, 17ge le tara lɔlehe seyi', peraahe senuu, botelehe senuu, peraahe n nan de yuunɛ senhe senuu, te ba dekɛ bama kaanbɛ te la dɛna sunma'ahom bo'olom. Aminadab dayɔa Nason bo'olom n bala. 18Dabeha ayi' daarɛ la Zuar se'em n de Isakar buuri la nɛŋadaana dayɔa Netanel me n tare a bo'olom na. 19A bo'olom la daa dela sanlenpeelega te ka tebehom zuna la sanlenpeelega kpila kɔbega la pihitan', ge te deyema me tebehom zuna la sanlenpeelega kpila pihiyopɔe, wo ba han dekɛ saraa poan wanɛ la magahera te a nɔm ki' somɔ zom la kaam pɛre ba zan'an, te zom bomɔ dɛna boom bo'olom, 20ge te a le dekɛ sanlema laabila te ka tebehom zuna sanlema kpila pia te ka perɛ la digilom, 21ge tara lɔletalɛ la peraa kayena, la perabila n de yuunɛ deyena te bama dɛna nyɔ'an bo'olom, 22ge le tara botela kayena te kaŋa dɛna yelebe'ero kaanbegɔ bo'olom, 23ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te la dɛna sunma'ahom bo'olom. Zuar dayɔa Netanel bo'olom n bala. 24Dabeha atan' daarɛ la, Helon se'em n de Zebulun buuri la nɛŋadaana la, dayɔa Eliab me n daa tare a bo'olom na. 25A bo'olom la daa dela sanlenpeelega te ka tebehom zuna la sanlenpeelega kpila kɔbega la pihitan', ge te deyema me tebehom zuna la sanlenpeelega kpila pihiyopɔe, wo ba han dekɛ saraa la poan wanɛ la magahera te a nɔm ki' somɔ zom la kaam perɛ ba zan'an, te zom bomɔ dɛna boom bo'olom, 26ge te a le dekɛ sanlema laabila te ka tebehom zuna la sanlema kpila pia te ka perɛ la digilom, 27ge tara lɔletalɛ, la peraa, kayena, la perabila n de yuunɛ deyena, te bama dɛna nyɔ'an bo'olom, 28ge le tara botela, kayena, te kaŋa dɛna yelebe'ero kaanbegɔ bo'olom, 29ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ tebebama kaanbɛ te la dɛna sunma'ahom bo'olom. Helon dayɔa Eliab bo'olom n bala. 30Dabeha anaahe daarɛ la, Sedeur se'em n de Areuben buuri la nɛŋadaana la, dayɔa Elizur me n a bo'olom na. 31A bo'olom la dela sanlenpeelega te ka tebehom zuna la sanlenpeelega kpila kɔbega la pihitan' ge te deyema me tebehom zuna la sanlenpeelega kpila pihiyopɔe, wo ba han dekɛ saraa la poan wanɛ la magahera te a nɔm ki' somɔ zom la kaam pɛre ba zan'an, te zom bomɔ dɛna boom bo'olom, 32ge te a le dekɛ sanlema laabila te ka tebehom zuna la sanlema kpila pia te ka perɛ digilom, 33ge tara lɔletalɛ, la peraa kayena, la perabila n de yuunɛ deyena, te bama dɛna nyɔ'an bo'olom, 34ge le tara botela kayena te kaŋa dɛna yelebe'ero kaanbegɔ bo'olom, 35ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te ba dɛna sunma'ahom bo'olom. Sedeur dayɔa Elizur bo'olom n bala. 36Dabeha anuu daarɛ la, Zurisadai se'em n de Simeon buuri la nɛŋadaana la, dayɔa Selumiel me n tare a bo'olom na. 37A bo'olom la dela sanlenpeelega te ka tebehom zuna la sanlenpeelega kpila kɔbega la pihitan' ge deyema me tebehom zuna la sanlenpeelega kpila pihiyopɔe, wo ba han dekɛ saraa la poan wanɛ la magahera, te a nɔm ki' somɔ zom la kaam perɛ ba zan'an te zom bomɔ dɛna boom bo'olom, 38ge te a le dekɛ sanlema laabila te ka tebehom zuna la sanlema kpila pia te ka perɛ la digilom, 39ge tara lɔletalɛ, la peraa kayena, la perabila n de yuunɛ deyena, te bama dɛna nyɔ'an bo'olom, 40ge le tara botela kayena, te kaŋa dɛna yelebe'ero kaanbegɔ bo'olom, 41ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te ba dɛna sunma'ahom bo'olom. Zurisadai dayɔa Selumiel bo'olom n bala. 42Dabeha ayoobe daarɛ la, Deuel se'em n de Gad buuri nɛŋadaana la, dayɔa Eliasap me daa tare a bo'olom na. 43A bo'olom la dela sanlenpeelega te ka tebehom zuna la sanlenpeelega kpila kɔbega la pihitan', ge te deyema me tebehom zuna la sanlenpeelega kpila pihiyopɔe, wo ba han dekɛ saraa la poan wanɛ magahera, te a nɔm ki' somɔ zom la kaam perɛ ba zan'an te zom bomɔ dɛna boom bo'olom, 44ge te a le dekɛ sanlema laabila te ka tebehom zuna la sanlema kpila pia te ka perɛ la digilom, 45ge tara lɔletalɛ, la peraa kayena, la perabila n de yuunɛ deyena, te bama dɛna nyɔ'an bo'olom, 46ge tara botela kayena te kaŋa dɛna yelebe'ero kaanbegɔ bo'olom, 47ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te ba dɛna sunma'ahom bo'olom. Deuel dayɔa Eliasap bo'olom n bala. 48Dabeha ayopɔe daarɛ la, Ammihud se'em n de Epraim buuri nɛŋadaana la, dayɔa Elisama me tare a bo'olom na. 49A bo'olom la dela sanlenpeelega te ka tebehom zuna sanlenpeelega kpila kɔbega la pihitan', ge te deyema me tebehom zuna la sanlenpeelega kpila pihiyopɔe, wo ba han dekɛ saraa la poan wanɛ magahera, te a nɔm ki' somɔ zom la kaam perɛ ba zan'an te zom bomɔ dɛna boom bo'olom, 50ge te a le dekɛ sanlema laabila te ka tebehom zuna la sanlema kpila pia te ka perɛ la digilom, 51ge tara lɔletalɛ, la peraa kayena la perabila n nan de yuunɛ deyena, te bama dɛna nyɔ'an bo'olom, 52ge le tara botela kayena, te kaŋa me dɛna yelebe'ero kaanbegɔ bo'olom, 53ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te ba dɛna sunma'ahom bo'olom. Ammihud dayɔa Elisama bo'olom n bala. 54Dabeha anii daarɛ la, Pedazur se'em n de Manase buuri la nɛŋadaana la, dayɔa Gamaliel me tare a bo'olom na. 55A bo'olom la dela sanlenpeelega te ka tebehom zuna la sanlenpeelega kpila kɔbega la pihitan', ge te deyema tebehom zuna la sanlenpeelega kpila pihiyopɔe, wo ba han dekɛ saraa la poan wanɛ magahera, te a nɔm ki' somɔ zom la kaam perɛ ba zan'an, te zom bomɔ dɛna boom bo'olom, 56ge te a le dekɛ sanlema laabila te ka tebehom zuna la sanlema kpila pia te ka perɛ la digilom, 57ge tara lɔletalɛ la peraa kayena, la perabila n de yuunɛ deyena, te bama dɛna nyɔ'an bo'olom, 58ge le tara botela kayena, te kaŋa dɛna yelebe'ero kaanbegɔ bo'olom, 59ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te ba dɛna sunma'ahom bo'olom. Pedazur dayɔa Gamaliel bo'olom n bala. 60Dabeha awae' daarɛ la, Gideoni se'em n de Benyamin buuri la nɛŋadaana la, dayɔa Abidan me tare a bo'olom na, 61A bo'olom la daa dela sanlenpeelega te ka tebehom zuna la sanlenpeelega kpila kɔbega la pihitan', ge te deyema me tebehom zuna la sanlenpeelega kpila pihiyopɔe, wo ba han dekɛ saraa la poan wanɛ magahera, te a nɔm ki' somɔ zom la kaam perɛ ba zan'an, te zom bomɔ dɛna boom bo'olom, 62ge te a le dekɛ sanlema laabila te ka tebehom zuna sanlema kpila pia te ka perɛ la digilom, 63ge tara lɔletalɛ, la peraa kayena, la perabila n de yuunɛ deyena, te bama dɛna nyɔ'an bo'olom 64ge le tara botela kayena, te kaŋa dɛna yelebe'ero kaanbegɔ bo'olom, 65ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te ba dɛna sunma'ahom bo'olom. Gideoni dayɔa Abidan bo'olom n bala. 66Dabeha pia daarɛ la, Amisadai se'em n de Dan buuri la nɛŋadaana la dayɔa Ahiezer me n tare a bo'olom na. 67A bo'olom la dela sanlenpeelega te ka tebehom zuna sanlenpeelega kpila kɔbega la pihitan' ge te deyema me tebehom zuna la sanlenpeelega kpila pihiyopɔe, wo ba han dekɛ saraa la poan wanɛ magahera te a nɔm ki' somɔ zom la kaam perɛ ba zan'an, te zom bomɔ dɛna boom bo'olom, 68ge te a le dekɛ sanlema laabila te ka tebehom zuna la sanlema kpila pia te ka perɛ la digilom, 69ge tara lɔletalɛ, la peraa kayena, la perabila n de yuunɛ deyena, te bama dɛna nyɔ'an bo'olom 70ge le tara botela kayena, te kaŋa dɛna yelebe'ero kaanbegɔ bo'olom, 71ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama te ba dɛna sunma'ahom bo'olom. Amisadai dayɔa Ahiezer bo'olom n bala. 72Dabeha pia la deyena daarɛ la, Okran se'em n de Aser buuri la nɛŋadaana la dayɔa Pagiel me n daa tare a bo'olom na. 73A bo'olom la daa dela sanlenpeelega te ka tebehom zuna sanlenpeelega kpila kɔbega la pihitan', ge te deyema me tebehom zuna sanlenpeelega kpila pihiyopɔe, wo ba han dekɛ saraa la poan wanɛ magahera, te a nɔm ki' somɔ zom la kaam ba zan'an te zom bomɔ dɛna boom bo'olom, 74ge te a le dekɛ sanlema laabila te ka tebehom zuna la sanlema kpila pia te ka perɛ la digilom, 75ge tara lɔletalɛ, la peraa kayena, la perabila n de yuunɛ deyena, te bama dɛna nyɔ'an bo'olom, 76ge le tara botela kayena, te kaŋa dɛna yelebe'ero kaanbegɔ bo'olom, 77ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te ba dɛna sunma'ahom bo'olom, Okran dayɔa Pagiel bo'olom n bala. 78Dabeha pia la a yi daarɛ la, Enan se'em n de Naptali buuri la nɛŋadaana la dayɔa Ahira me n tare a bo'olom na. 79A bo'olom la dela sanlenpeelega te ka tebehom zuna sanlenpeelega kpila kɔbega la pihitan', ge te deyema me tebehom zuna sanlenpeelega kpila pihiyopɔe, wo ba han dekɛ saraa la poan wanɛ magahera, te a nɔm ki' somɔ zom la kaam perɛ ba zan'an, te ba zom bomɔ dɛna boom bo'olom, 80ge te a le dekɛ sanlema laabila te ka tebehom zuna la sanlema kpila pia te ka perɛ la digilom, 81ge tara lɔletalɛ, la peraa kayena, la perabila n de yuunɛ deyena, te bama dɛna nyɔ'an bo'olom, 82ge le tara botela kayena, te kaŋa me dɛna yelebe'ero kaanbegɔ bo'olom, 83ge le tara lɔlehe seyi', peraahe senuu, botelehe senuu, peraahe n nan de yuunɛ senhe me senuu, te ba dekɛ bama kaanbɛ te ba dɛna sunma'ahom bo'olom, Enan dayɔa Ahira bo'olom n bala. 84Israeldoma la nɛŋadoma bo'olom n bala te ba tare wa'an na yeti, Ban sɔ' kaanbegɔ daka la kaam ge dekɛ de enŋɛ Na'ayenɛ nu'uhen la, bo'olom la dela sanlenpeelega kpila pia la seyi' sanlenpeela la se'ehe te ba tara miiha la pia la seyi'. 85Sanlenpɛɛle laapɛrega woo tebehom zone me la sanlenpeelega kpila kɔbega la pihitan' te laa sɛka te ba tare mimiha la zone me la sanlenpeelega kpila pihiyopɔe. 86Sanlema lapɛrehe pia la seyi' la en perɛ la digilom la tebehom zone me la sanlema kpila pia laa woo, wo Sogorɛ laapɛrega lagahɔ la n zone se'em la. 87Duŋse'ehe n de nyɔ'an bo'olom dunhe la me han dekɛ lagom taaba, me dela lɔletala pia, la a yi, peraahe pia, la seyi' la perabibihe se'ehe n nan de yuunɛ, senhe me pia la seyi', la ba ki bɔ'a bo'olom la zan'an. Botelehe pia la seyi' te ba dekɛ kaanbɛ te bama dɛna yelebe'ero kaanbegɔ bo'olom. 88Duŋse'ehe woo te ba dekɛ kaanbɛ sunma'ahom kaanbegɔ la me dela lɔlehe pihiyi', la senaahe, peraahe pihiyoobe, botelehe pihiyoobe, la perabibihe se'ehe n nan de yuunɛ deyena, senhe me pihiyoobe. Bo'olom bona te ba daa bo ban ta sɔ' kaanbegɔ daka la kaam ba'ahɛ ge yeti ba dekɛ dɛ enŋɛ Na'ayenɛ nu'uhen la. 89Moses n ta kɛn' Sogorɛ la poan ha te a tɔgɛ la Na'ayenɛ la, a wom Na'ayenɛ konkore te de ze'ele Na'ayenɛ kelompagehedoma bayi' la te ba yagom ba ze'ele be'em duuhego liŋa nɔbiŋere daka la zuo la, ba teŋasoka tɔgɔra bɔ'ɔra en na. Te bala te Na'ayenɛ tɔgɛ bo en.

will be added

X\