Kanlɛ 5

1Te Na'ayenɛ yele Moses yeti, 2Bo Israeldoma wa nɔɔrɛ yeti, yehe ya iŋsagaŋɔ daana woo, bii se'em n lerom a mɛŋa gan'aherɛ poan, bii kalom kum ganlom a mɛŋa ya tiiheŋɔ la poan bahɛ. 3A han dɛna boraa bii pɔka ge ganlom, ya yehe en bahɛ, ya yehe en ya tiiheŋɔ la poan bahɛ, yehe ya ba te ba lebe tiiheŋɔ la pooren ha, la ba da ganlom tiiheŋɔ la te mam bɔna ko poan la ya la. 4Te Israeldoma wa eta bala, yɛhera nɛre bama taaba ba tiiheŋɔ la poan bahera. Na'ayenɛ n bo Moses a nɔɔrɛ se'em la, bala mea te ba eta. 5Te Na'ayenɛ yele Moses yeti, 6Yele Israeldoma wa zan'an yeti, boraa bii pɔka ba poan han tuue yelebe'ero seto te nɛresaaleba eta la poan, eta sɛla n ka ane soŋa Na'ayenɛ nɛŋan, ganlom a mɛŋa. 7A daana yele a yelebe'ero seko te a tom la, ge lebehe yɔ a tuure la zan'an, ge poregɛ a tuure sanɛ la sugumnɔɔren bonuu, dekɛ boyena yɔ pa'ahɛ en pon yɔ a tuure la se'em la. 8Nɛra se'em la han ki mɛ ge me ka tara sɔɔn te tuure daana la wan yɔ tuure la bo en, tuure daana la yɔ tuure la de Na'ayenɛ denɛ. Dekɛ yɔ tuure la be'em duuhego peraa bo malemadaana. 9Bo'olom sebo woo n de toolom bo'olom la woo te Israeldoma tare kena na eta malemadaana se'em nu'uhen la dela enŋa denɛ. 10Nɛra woo toolom lɔgɔrɔ bo'olom seto woo n tare wa'an Sogorɛ la poan na dela malemadaana denɛ, lɔgɔseko woo n dekɛ bo malemadaana se'em woo, dela enŋa denɛ. 11Te Na'ayenɛ yele Moses yeti, 12Yele Israeldoma wa zan'an yeti, boraa pɔga han yehe, eta sɛla n ka ane soŋa ka sera la nɛŋan, 13te boraa sɛka sogɛ gan'arɛ la ka te ka sera la ka mina, te nɛnɛra me ka mina, 14la pɔka la n pon ganlom te ka sera ka mina la, nyuunre kɛn' boraa la ka pɔga la n sagom la zuo, bii nyuunre kɛn' boraa la, ge te pɔka la ganlom, 15boraa la tare pɔka la wa'an malemadaana la zen'an na. A tara mui zom la wola me'en a pɔga la zuo, a da ka'ɛ kaam bii digilom sebo n tare nyuŋo soŋɔ enŋɛ bo poan. Se'ere n sɔe la, bo dela nyuunre bo'olom, tɛɛnrɛ bo'olom, be'em tɛnrega bo'olom. 16Te malemadaana la bahɛ te pɔka la ze'ele Na'ayenɛ nɛŋan. 17Malemadaana la wan kaanbegɛ toolom ko'om la yɔgɔrɔ laa, tɔnbegɛ Sogorɛ la poan tentɔnɔ enŋɛ ko'om la poan. 18Te malemadaana la bahɛ te pɔka la zɛ'a Na'ayenɛ nɛŋan, lorege ka zuo zonto bahɛ, ge te a nya dekɛ tɛɛnrɛ bo'olom la, ki bo'olom sebo n de yaarɛ bo'olom la, zanlɛ pɔka la nu'uhen, ge zanla too ko'om la en bo'ore be'em la a mɛŋa. 19A wan bahɛ te pɔka la pɔ', ge te a yele pɔka wa yeti, boraa han ka ganlom hɔ, hom daa boe ho sera nu'uhen la, ho ka yaalɛ, too ko'om wa en bo'ore be'em la kan enŋɛ ho se'ere. 20Ge hom boe ho sera zen'an la, han ganlom mɛ, boraa sɛka n han gan'arɛ la hɔ dagana ho sera wa, too ko'om wa wan damɛ hɔ. 21Malemadaana la wan bahɛ te pɔka la pɔ' be'em pɔrɛ la, ge te a yele pɔka wa yeti, Na'ayenɛ wan enŋɛ te ho na'arɛ deyema baanlom, te ho poorɛ uke, te ho nɛreba zagahɛ hɔ. 22Ko'too sebo n bo'ore be'em wa han sige ho pooren, bo wan bahɛ te ho poorɛ uke, te ho gbere baanlom. Pɔka la wan lebehe yeti, taarɛ, la enŋɛ bala. 23Malemadaana la wan golehɛ yeletooro tona wa enŋɛ gɔŋɔ poan, nya pee enŋɛ too ko'om la poan. 24La a bahɛ te pɔka la nyu' too ko'om n bo'ore be'em la te bo sige ka pooren bo ka too. 25Malemadaana la nya wan to'e nyuunre bo'olom la ka nu'uhen, zɛnkɛ pa'alɛ Na'ayenɛ, ge tare bo wa'an kaanbegɔ daka la zen'an na. 26A wan tɔnbegɛ ki bo'olom la la nu'miɛ te bo dɛna tɛnrega bo'olom, te a dekɛ daka la poan, ge nya bahɛ te pɔka la nyu' ko'om la. 27La han dɛna la pɔka la ganlom mɛ, enŋɛ ka sera la sɛla n ka ane soŋa, ge te a bahɛ te ka nyu' too ko'om la n bo'ore be'em la, bo wan sige ka pooren bo ka too, te ka poorɛ uke, te ka gbere baanlom, te ka nɛreba zagahɛ ka. 28Ge pɔka la han ka sagom, ka ganlom ka mɛŋa, ka wan kelom dɔgɔra kɔma. 29Pa'alegɔ seko n boe bo nyuunre, pɔka n boe ka sera nu'uhen ge sagom en bala, 30bii nyuunre han ta kɛn' boraa ka pɔga zuo, a tare pɔka la wa'an Na'ayenɛ nɛŋan na, te malemadaana la doohe pa'alegɔ wa etegɔ kona wa zan'an. 31Se'ere en pa'ahɛ la, boraa la ka boe tuure la poan, pɔka la ma'an n wan zi tuure la be'em la.

will be added

X\