Kanlɛ 32

1Areuben la Gad buuri dunhe ta ba' gaŋɛ mɛ, te ban te nyɛ Yazer la Gilead teŋa te ka dɛna dunhe uka zen'an la, 2te ba wa wa'ana Moses la Eleazar n de malemadaana la Israeldoma lagaŋɔ keendoma la zan'an yele ba yeti, 3Atarot la Dibon la Yazer la Nimra la Hesbon la Eleale la Sebam la Nebo la Beon 4teŋhe wa te Na'ayenɛ nyaŋɛ se bo Israeldoma lagaŋɔ wa dela teŋhe n de dunhe uka zen'an, te tomam ho yamehe wa me tara dunhe. 5Ho nini han tegɛ la tomam, bo to zen'kana wa te ka dɛna tomam sɔ'ɔlom ge da tare to yakɛ Yordan Kolaa yakenɛ dena la ha. 6Te Moses yele Gad la Areuben buuri wa yeti, Ya sɔɔnrɔ la ton yakɛ bilam ha ta zabera ge te yamam ton yee zen'an ka'lam? 7Bene zuo te yamam kɔ'ɔha Israeldoma wa giinla te ba da yakɛ teŋsɛka te Na'ayenɛ dekɛ bo ba la poan? 8Ya sɔdoma yuun eŋɛ la wana mea, mam yuun ze'ele Kades Barnea teŋa tom ba te ba keŋɛ ta doohe veehe veehe teŋa la poan behɛ la. 9Bama n yuun ta paɛ Eskol Bɔn'ɔn poan nyɛ teŋa la, ba lebe na kɔ'ɔhɛ Israeldoma wa giinla mɛ te ba ka yakɛ teŋsɛka te Na'ayenɛ dekɛ bo la poan. 10Bala te Na'ayenɛ suunre nyie de daarɛ te a pɔ' yeti, 11nɛra ka boe nɛrebana wa n ze'ele Mizraim teŋa na wa poan, dɛna yuuma pihiyi' beene yɛ'ɛha, wan nyɛ teŋsɛka te n pɔ' te n wan dekɛ bo Abraham la Isaak la Yakob la poan. Se'ere n sɔe la ba ka doohe mam la ba suunre zan'an 12han dagana Yepune n de Kenizdoma la dayɔa Kaleb la Nun dayɔa Yosua. Bama n doohe Na'ayenɛ la ba suunre zan'an. 13Bala Na'ayenɛ sunsunyiim yuun taɛ bahɛ Israeldoma wa zuo, te a bahɛ te ba tuuna mɔen la ha yuuma pihinaahe, tara tara te saŋkaŋa buuri la n tom be'em bona wa Na'ayenɛ nɛŋan la zan'an ta suuɛ. 14Nananawa, behɛ ya, yamam nɛ la ya sɔdoma na'taka la n bala. Ya dela be'em tuŋɔ, malom pa'ahɛ Na'ayenɛ sunsunyiim la n pon dita Israeldoma wa la. 15Yamam han bire poore bahɛ Na'ayenɛ, a wan le zagahɛ a nɛreba wa pɔgɔtia wa poan. Yamam zuo te nɛreba wa zan'an wan nyɛ sagaŋɔ. 16Te ba vuruge paɛ Moses na yele en yeti, To wan mɛ zen'enhe ka'lam ugura to dunhe la, ge mɛ teŋkanra bo to kɔma, 17ge tomam mɛhe wan maahom pɛɛntɛɛnrɛ bɔna Israeldoma zan'an nɛŋa, gura te to zabɛ nyaŋɛ to'e nɛra woo zen'an bo en, ge te tomam kɔma la bɔna teŋkanra wa poan te teŋhe la doma da nyaŋɛ daam ba. 18To kan lebe to yiya poan na, han dagana Israeldoma la zan'an n ta to'ohe ba sɔ'ɔlom ba sɔ'ɔlom ba'ahɛ. 19Tomam kan tara tɔntɛ la ba Yordan yakenɛ denɛ ha la, tomam tɔntɛ n wana yakenɛ dena wa na, to'oha dapɔya bɔba wa. 20Te Moses yele ba yeti, Ya han wan enŋɛ bala, ya han wan maahom ya mɛhe Na'ayenɛ nɛŋan te ya keŋɛ zaberɛ, 21te ya pɛɛntɛɛnreba la zan'an yakɛ Yordan wa Na'ayenɛ nɛŋan, zabera gura te Na'ayenɛ ta dige a diŋdoma zan'an teŋhe la poan, 22kɔrom sɛla woo teŋa la poan ba'ahɛ Na'ayenɛ nɛŋan, yamam wan tom ne toon se'ere bo ne Na'ayenɛ la Israeldoma zan'an la ba'ahe ya, teŋkana wa nya wan dɛna ya sɔ'ɔlom yɛ'ɛha Na'ayenɛ nɛŋan. 23Ge ya han kan enŋɛ bala, mini ya te ya tom la be'em Na'ayenɛ nɛŋan, ya be'em la me wan doohe ya. 24Mɛ ya teŋkanra bo ya kɔma, ge mɛ ya dunhe zen'enhe la, ge tom wo yan biŋe ya nɔɔrɛ se'em la. 25Te Gad la Areuben buuri wa yele Moses yeti, Ho yamehe wa wan enŋɛ wo hom to daana wa en bo ho nɔɔrɛ se'em la. 26To kɔma, to pɔgɔba, to dunhe zan'an wan bɔna Gilead teŋa wa, 27ge te tomam ho yamehe wa woo wan maahom zaberɛ to wan yakɛ Yordan wa Na'ayenɛ nɛŋan ta zabɛ wo hom to daana wa n yele se'em la. 28Te Moses bo Eleazar n de malemadaana la Nun dayɔa Yosua la yizuto keendoma la ban wan enŋɛ ba se'em. 29Te Moses yele ba yeti, Gad la Areuben buuri wa pɛɛntɛɛnra woo han doohe la ya yakɛ Yordan wa Na'ayenɛ nɛŋan, ta kɔrom sɛla woo teŋa la poan, ya dekɛ Gilead teŋa wa bo ba te la dɛna ba sɔ'ɔlom, 30ge ba han kan maahom doohe la ya yakɛ ta zabɛ, ba tɔntɛ boe mɛ la ya Kanaan teŋa poan. 31Te Gad la Areuben buuri wa lebehe yeti, Na'ayenɛ n yele a yamehe wa se'em la, to wan enŋɛ la bala mea. 32Tomam mɛhe wan maahom to zaba lɔgɔrɔ yakɛ Kanaan wa Na'ayenɛ nɛŋan, ge bahɛ to lɔgɔrɔ la to sɔ'ɔlom Yordan yakenɛ dena wa poan. 33Bala te Moses dekɛ Amori naba Sihon sɔ'ɔlom la Basan teŋa naba Og sɔ'ɔlom la teŋa la la teŋkanra la woo n boe se poan la, la teŋbibihe se'ehe woo n boe se nu'uhen zan'an bo Gad la Areuben la Yosef dayɔa Manase buuri la ba sɛba te la dɛna ba sɔ'ɔlom. 34Te Gad buuri la mɛ Dibon la Atarot la Aroer la 35Atrot Sopan la Yazer la Yogbeha la 36Bet Nimra la Bet Haran teŋhe, te se dɛna teŋkanra, ge te se se'ehe me dɛna ba piihe uka zen'enhe. 37Te Areuben buuri la mɛ Hesbon la Eleale la Kiriataim la 38Nebo la Baal Meon te ba tee se yu'ura la Sibma, ge segɛ teŋse'ehe woo te ba mɛ la yu'ura. 39Te Manase dayɔa Makir dayɔɔhe keŋɛ Gilead ta zabɛ to'e ka, ge dige Amoridoma la n sɔe ka la. 40Bala te Moses dekɛ Gilead teŋa wa bo Manase dayɔa Makir, te ka dɛna a sɔ'ɔlom. 41Te Manase dayɔa Yair keŋɛ ta zabɛ nyaŋɛ teŋhe se se'ehe segɛ se Havot Yair. 42Te Noba keŋɛ ta zabɛ nyaŋɛ Kenat la ka teŋbibihe dekɛ ka segɛ a mɛŋa yu'urɛ te Noba.

will be added

X\