Kanlɛ 30

1Te Moses tɔgɛ bo Israeldoma yizuto keendoma la yeti, Yelehom sebo te Na'ayenɛ bo a nɔɔrɛ n wana. 2Boraa han po'olɛ nɔɔrɛ, bii a pɔ mɛ bo Na'ayenɛ te a dekɛ a mɛŋa tom toon se'ere, a da bahɛ a nɔɔrɛ la. A tom n ya'ɛ a nɔɔrɛ yele se'em la. 3Pɔka me han pɔ' bo Na'ayenɛ, te a dekɛ a mɛŋa tom toon se'ere a sɔ yiren, a bonbilomen, 4te ka sɔ wom ka nɔpɔtɛ la, la kan yeti ka tom toon se'ere la, ge ka yele ka se'ere, ka nɔpɔtɛ la ze' mɛ, la kaŋa n dekɛ ka mɛŋa te ka tom toon se'ere la. 5Ge ka sɔ la n wom ka pɔrɛ la daanse'ere daarɛ la han ka sakɛ bo ka, ka pɔrɛ la, la kaŋa n dekɛ ka mɛŋa te ka tom se'ere la kan tom, te Na'ayenɛ me wan di suguru bo ka. Se'ere n sɔe la, ka sɔ n ka sakɛ. 6Pɔka han ele mɛ ge bɔna ka nɔpɔtɛ la, bii ka nɔɔrɛ n tabelɛ fan' yele se'ere la poan, 7te ka sera la wom ge ka yele ka se'ere de daarɛ mea, ka nɔpɔtɛ la ze' mɛ, la kaŋa n dekɛ ka mɛŋa te ka tom toon se'ere la. 8Ge ka sera la n wom dɛ daanse'ere daarɛ la han ka sakɛ bo ka, a sera la luke ka pɔrɛ la, la kaŋa fan' nɔɔrɛ yeti ka dekɛ ka mɛŋa tom toon se'ere la, te Na'ayenɛ me wan di suguru bo ka. 9Ge pɔkɔɔnrɛ, bii pɔgɔsɛka n bahɛ ka sera, ka nɔpɔtɛ, bii kaŋa n dekɛ ka mɛŋa te ka tom se'ere la dole ka mɛ. 10Ge ka han pɔ' ka nɔɔrɛ la, bii dekɛ ka mɛŋa te ka tom toon se'ere saŋsɛka te ka nan boe ka sera yire la, 11te ka sera la wom ge ka yele se'ere, ka dige bahɛ, nɔpɔtɛ la ze' mɛ, la kaŋa n dekɛ ka mɛŋa te ka tom toon se'ere la. 12Ge ka sera la n wom dɛ daanse'ere daarɛ la han ka sakɛ bo ka, ka nɔpɔtɛ la, la kaŋa n dekɛ ka mɛŋa te ka tom se'ere la wan bahɛ. Se'ere n sɔe la, ka sera la n luke ka nɔɔrɛ la, te Na'ayenɛ me wan di suguru bo ka. 13Pɔka nɔpɔtɛ, bii kan bote ka sigehe ka mɛŋa boe la ka sera sakɛ bo ka, bii a ka sakɛ. 14Ge ka sera la n wom dɛ daanse'ere daarɛ la han ka tɔgɛ ka nɔpɔtɛ la, la kaŋa n dekɛ ka mɛŋa te ka tom se'ere la de daarɛ mea, a nam pɔka la nɔpɔtɛ la mɛ la kaŋa n bote ka enŋɛ sɛla woo la mɛ. A nam mɛ la enŋa n wom ge ka yele ka se'ere de daarɛ mea la. 15Ge n wom dɛ la, a han ka zagahɛ dɛ de daarɛ mea, la dela enŋa mɛŋa daaŋɔ. 16Malema ana te Na'ayenɛ bo Moses doohe nɛra la a pɔga, sɔ la a pɔyɔa n nan de bia bɔna ka sɔ yiren.

will be added

X\