Kanlɛ 29

1Ŋmarehe seyopɔe pɔhega daarɛ woo, la dela toolom lagaŋɔ. Da tom ya toonɛ. Daan denɛ daarɛ te ya wan pɛɛbera tentana la. 2Tare ya lɔlega la peraa la pebibihe seyopɔe n nan de yuunɛ te sɛsɛla ka eŋɛ se na nyɔ' te la dɛna nyuŋo soŋɔ bo Na'ayenɛ. 3Zom somɔ wolehe setan' te kaam ka'ɛ enŋɛ bo poan n wan pa'ahɛ dɛna lɔlega la boom bo'olom, te zom somɔ wolehe seyi' pa'ahɛ peraa la poan, 4te zom somɔ wola pa'ahera pebila woo zuo pebibihe seyopɔe la. 5Te ya dekɛ be'em bo'olom botela la pa'ahɛ, te la tare be'em duuhego bo ya. 6Ne maahom ya lɔgɔtona, ta pa'ahɛ la ya ŋmarega woo daarɛ woo nyɔ'an bo'olom, la to boom, la to daam bo'olom la. Ba dela bo'olom sebo n nyɔn'ɔre la bugum, dɛna nyuŋo soŋɔ bo Na'ayenɛ. 7Ŋmarehe seyopɔe wa, ka dabeha pia daarɛ, ya lagom ninmɔ'ɔrɛ lagaŋɔ. Ya sigehe ya mɛhe, ge da tom ya tontonɛ. 8Tare ya lɔlega la peraa la pebibihe seyopɔe n de pedibihe, nan dɛna yuunɛ, te sɛla ka enŋɛ se na nyɔ' te la dɛna nyɔ'an bo'olom n tare nyuŋo soŋɔ bo Na'ayenɛ. 9Zom somɔ wolehe setan' te kaam ka'ɛ enŋɛ bo poan n wan dɛna boom bo'olom pa'ahɛ lɔlega la poan, te zom somɔ wolehe seyi' pa'ahera peraa la poan, 10te zom somɔ wola pa'ahera pebila woo poan, pebibihe seyopɔe la. 11Te botela pa'ahɛ dɛna be'em bo'olom, te la dɛna be'em duuhego, ta pa'ahɛ la daarɛ woo nyɔ'an bo'olom, la bo boom la daam bo'olom la. 12Ŋmarehe seyopɔe la dabeha pia la anuu daarɛ, la dela toolom lagaŋɔ. Da tom ya toonɛ. De'em ya dabeha ayopɔe bo Na'ayenɛ. 13Tare ya nyɔ'an bo'olom na nyɔ' te la dɛna nyuŋo soŋɔ bo Na'ayenɛ. Bo dɛna lɔlehe pia la setan' la peraahe seyi' la pebibihe pia la senaahe n de pedibihe nan dɛna yuunɛ, te sɛla ka eŋɛ se. 14Zom somɔ wolehe setan' te kaam ka'ɛ enŋɛ bo poan n wan dɛna lɔlega woo boom bo'olom, lɔlehe pia la setan' la, te zom somɔ wolehe seyi' te kaam ka'ɛ enŋɛ bo poan dɛna peraa woo boom bo'olom, peraahe seyi' la, 15te zom somɔ la wola pa'ahera pebila woo zuo, pebibihe pia la senaahe la. 16Botela n pa'ahere dɛna be'em bo'olom, pa'ahɛ la ya daarɛ woo nyɔ'an bo'olom, la bo boom la daam bo'olom la. 17Yi'i daarɛ la, tare ya lɔlehe pia la seyi' la peraahe seyi' la pebibihe n de pedibihe pia la senaahe nan dɛna yuunɛ, te sɛla ka eŋɛ se. 18Ge tara lɔlehe la peraahe la la pebibihe la boom bo'olom n zone se'em la, la daam bo'olom la pa'ahɛ. 19Ge tara botela te kaŋa dɛna be'em bo'olom, pa'ahɛ la ya daarɛ woo nyɔ'an bo'olom, la boom la bo daam bo'olom la. 20Ta'an daarɛ la, tare ya lɔlehe pia la kayena la peraahe seyi' la pebibihe n de pedibihe pia la senaahe n nan de yuunɛ te sɛla ka eŋɛ se. 21Ge tara lɔlehe la peraahe la pebibihe la boom bo'olom n zone se'em la, la daam bo'olom la pa'ahɛ. 22Ge tara botela te kaŋa dɛna be'em bo'olom, pa'ahɛ la ya daarɛ woo nyɔ'an bo'olom la, la bo boom la daam bo'olom la. 23Naahe daarɛ la, tare ya lɔlehe pia la peraahe seyi' la pebibihe pia la senaahe n de pedibihe n nan de yuunɛ te sɛla ka eŋɛ se. 24Ge tara lɔlehe la peraahe la pebibihe la boom bo'olom n zone se'em la, la daam bo'olom la pa'ahɛ. 25Ge tara botela te kaŋa dɛna be'em bo'olom, pa'ahɛ la ya daarɛ woo nyɔ'an bo'olom la bo boom la daam bo'olom pa'ahɛ. 26Nnuu daarɛ la, tare ya lɔlehe sewae' la peraahe seyi' la pebibihe pia la senaahe n de pedibihe n nan de yuunɛ te sɛla ka eŋɛ se. 27Ge tara lɔlehe la peraahe la pebibihe la boom bo'olom n zone se'em la, la daam bo'olom la pa'ahɛ. 28Ge tara botela te kaŋa dɛna be'em bo'olom, pa'ahɛ la ya daarɛ woo nyɔ'an bo'olom la la bo boom bo'olom la bo daam bo'olom la pa'ahɛ. 29Yoobe daarɛ la, tara lɔlehe senii la peraahe seyi' la pebibihe pia la senaahe n de pedibihe n nan de yuunɛ te sɛla ka eŋɛ se. 30Ge tara lɔlehe la peraahe la pebibihe la boom bo'olom n zone se'em la, la daam bo'olom la pa'ahɛ. 31Ge tara botela te kaŋa dɛna be'em bo'olom, pa'ahɛ la ya daarɛ woo nyɔ'an bo'olom la bo boom bo'olom la bo daam bo'olom la pa'ahɛ. 32Yopɔe daarɛ la, tara lɔlehe seyopɔe la peraahe seyi' la pebibihe pia la senaahe n de pedibihe n nan de yuunɛ te sɛla ka eŋɛ se. 33Ge tara lɔlehe la peraahe la pebibihe la boom bo'olom la n zone se'em la, la daam bo'olom la pa'ahɛ. 34Ge tara botela te kaŋa dɛna be'em bo'olom, pa'ahɛ la ya daarɛ woo nyɔ'an bo'olom la bo boom bo'olom la daam bo'olom la pa'ahɛ. 35Nii daarɛ la, la dela toolom lagaŋɔ. Da tom ya toonɛ. 36Tare ya nyɔ'an bo'olom na nyɔ' te bo dɛna nyuŋo soŋɔ bo Na'ayenɛ. Bo dɛna lɔlega la peraa la pebibihe seyopɔe n de pedibihe n nan de yuunɛ te sɛla ka enŋɛ se. 37Ge tara lɔlega la peraa la pebibihe la boom bo'olom la n zone se'em la, la daam bo'olom la pa'ahɛ. 38Ge tara botela te kaŋa dɛna be'em bo'olom, pa'ahɛ la ya daarɛ woo nyɔ'an bo'olom la bo boom bo'olom la bo daam bo'olom la pa'ahɛ. 39Tare ya ya popeelom bo'olom pa'ahɛ la bo'olom sebo te ya pɔ' nɔɔrɛ te wan bo la kena bɔ'ɔra Na'ayenɛ ya de'eŋɔ saŋa la woo poan. Ya tara ya nyɔ'an bo'olom la boom bo'olom la daam bo'olom la sunma'ahom bo'olom la kena na. 40Te Moses yele Israeldoma la Na'ayenɛ n bo n nɔse'ere la zan'an.

will be added

X\