Kanlɛ 28

1Te Na'ayenɛ yele Moses yeti, 2Bo Israeldoma wa nɔɔrɛ yeti, ban tara dia nyɔ'an bo'olom kena na bɔ'ɔra mam, bo mam nyuŋo soŋɔ bo'olom mam saŋa la poan. 3Yele ba yeti, bo'olom sebo te ba wan tara kena na nyɔn'ɔra bɔ'ɔra Na'ayenɛ daarɛ woo dela pedibihe seyi' n de yuunɛ ka tara dɛngerɔ. 4Ba ne bo koyema bolika, koyema zanɔɔrɛ, 5ge tara zom somɔ wola, te la dɛna boom bo'olom, ka'ɛ kaam wola enŋɛ bini. 6Nyɔ'an bo'olom bona wa te n daa pon ze'ele bo ya Sinai Zoore la zuo te ko dɛna nyuŋo soŋɔ bo'olom daarɛ woo bɔ'ɔra Na'ayenɛ. 7Daam sebo me n dole kaanbegɔ wa dela daam sebo n kele, bo dɛna yugela kayena, pebila woo zuo. Te ho ne kɛn' ya toolom zen'an la poan ha ta kaanbɛ ya daam la bilam bo Na'ayenɛ. 8Pebila sɛka n gee la me ye' la zanɔɔrɛ kaanbegɔ na la ka boom la daam bo'olom wo bolikain la pa'ahɛ, te ya nyɔ' bosebo la bugum te la dɛna nyuŋo soŋɔ bo'olom bo Na'ayenɛ. 9Vo'ohogo Daarɛ woo, ne tare ya pedibihe seyi' n de yuunɛ, te sɛla ka tara se, la zom wolehe seyi' ka'ɛ kaam enŋɛ bini te la dɛna boom bo'olom la daam bo'olom. 10Bo'olom bona n wan dɛna nyɔ'an bo'olom Vo'ohogo Daarɛ woo, ta pa'ahɛ ya daarɛ woo nyɔ'an bo'olom, la daam bo'olom la. 11Ŋmarega pɔhega daarɛ woo, lɔlehe seyi' la peraa la pedibihe seyopɔe n de yuunɛ, te sɛla ka tara se, n wan tare na bo Na'ayenɛ, te se dɛna nyɔ'an bo'olom. 12Boom bo'olom zom somɔ wolehe setan' te kaam ka'ɛ enŋɛ bo poan, n wan dɔla lɔlega woo zuo, te boom bo'olom zom somɔ wolehe seyi', te kaam ka'ɛ eŋɛ bo poan n wan pa'ahɛ peraa la poan. 13Boom bo'olom sebo n wan pa'ahɛ pebila woo zuo dela zom somɔ la wola te kaam ka'ɛ eŋɛ bo poan. Lɔgɔtona woo dela nyɔ'an bo'olom, tare nyuŋo soŋɔ, dɛna nyɔ'an kaanbegɔ bɔ'ɔra Na'ayenɛ. 14Lɔlega woo zuo me, daam yugela n wan pa'ahɛ dɛna daam bo'olom, te daam yugela pa'ahera peraa la zuo, te daam yugela me pa'ahera pebila woo zuo. Ŋmarega woo nyɔ'an bo'olom n bala te ya wan bɔ'ɔra ŋmarepaalega woo yuunɛ woo poan. 15Nyɔ'an bo'olom la bo daam bo'olom sebo te ya wan bɔ'ɔra la, botela n wan tara na bo Na'ayenɛ, te kaŋa dɛna be'em duuhego bo'olom. 16Yuunɛ pɔhega ŋmarega woo dabeha pia la anaahe daarɛ, ya de'em Na'ayenɛ Azootole De'eŋɔ la. 17Ŋmarekana wa dabeha pia la anuu daarɛ, ya ne de'em dabeha ayopɔe, ge ɔbera boroboro se'ere n ka tare mi'ihom de poan. 18Pɔhega daarɛ dela toolom lagaŋɔ. Dabeha aŋa la poan ya se'em da tom toonɛ. 19Tare ya nyɔ'an bo'olom na nyɔ' bo Na'ayenɛ. Bo dɛna lɔlehe seyi' la peraa la pebibihe seyopɔe n de pedibihe nan dɛna yuunɛ te sɛla ka enŋɛ se. 20Boom bo'olom zom somɔ wolehe setan' te kaam ka'ɛ enŋɛ bo poan n wan dekɛ pa'ahɛ lɔlega woo zuo, te zom somɔ wolehe seyi' dekɛ pa'ahɛ peraa la zuo, 21te zom somɔ wola dekera pa'aha pebibila woo zuo, 22nya dekɛ be'em bo'olom botela la pa'ahɛ, te la tare be'em duuhego bo ya. 23Maahom ya lɔgɔtona woo pa'ahɛ daarɛ bolika nyɔ'an bo'olom la. 24Bala, ne maahom ya disɛka n wan nyɔn'ɔra la bugum la daarɛ woo la, dabeha ayopɔe la, te ka dɛna nyuŋo soŋɔ bɔ'ɔra Na'ayenɛ. Ne maahom lɔgɔtona wa, la daarɛ woo nyɔ'an bo'olom, la bo daam bo'olom la. 25Dabeha ayopɔe daarɛ dela toolom lagaŋɔ. Da tom ya toonɛ. 26Daanse'ere n de dideena daarɛ la, ya han ne tara dideena la na bɔ'ɔra Na'ayenɛ Dabeha Ayopɔe De'eŋɔ poan. La dela toolom lagaŋɔ. Da tom ya toonɛ. 27Lɔlepaalehe seyi' la peraa la pebibihe seyopɔe n de pedibihe nan dɛna yuunɛ n ne wan dela nyɔ'an bo'olom, te la dɛna nyuŋo soŋɔ bo Na'ayenɛ. 28Boom bo'olom n de zom somɔ wolehe setan' te kaam ka'ɛ enŋɛ bo poan n wan tara pa'ahɛ lɔlega woo zuo, te zom somɔ wolehe seyi' pa'ahera peraa la zuo, 29te zom somɔ la wola pa'ahera pebibihe seyopɔe la pebila woo zuo. 30Te ya dekɛ be'em bo'olom botela la pa'ahɛ, te la tare be'em duuhego bo ya. 31Ne maahom ya lɔgɔtona woo la to daam bo'olom la, pa'ahɛ la daarɛ woo nyɔ'an bo'olom la la boom bo'olom la. Behɛ ya soŋa te sɛsɛla da tara dunhe la.

will be added

X\