Kanlɛ 26

1Too la n ta ba'ahɛ la, te Na'ayenɛ yele Moses la Eleazar n dɛna Aron n wa dɛna malemadaana la dayɔa la yeti, 2Kanlɛ ya Israeldoma wa yizuto zan'an, sɛba n de yuuma pihiyi' beene yɛ'ɛha, wan ta'an dɛna Israeldoma pɛɛntɛɛnreba. 3Bala te Moab sɛnka poan, lɛm Yordan Kolaa la, te Yeriko bɔna yakenɛ deyema ha, te Moses la Eleazar n de malemadaana la yele Israeldoma la yeti, 4Kanlɛ ya nɛreba wa sɛba n de yuuma pihiyi' beene yɛ'ɛha, wo Na'ayenɛ n bo Moses la Israeldoma sɛba n yehe Mizraim teŋa la a nɔɔrɛ se'em la. 5Areuben n de Israel dayɔkeema te a dayɔɔhe n de Hanok yizuo la Palu yizuo la 6Hezron yizuo la Karmi yizuo. 7Areuben buuri n bala. Te ba boraahe kanlɛ dɛna tuha pihinaahe la tuha atan' la kɔbehe seyopɔe la pihitan' (43,730). 8Te Palu dayɔa dɛna Eliab. 9Eliab dayɔɔhe dɛna Nemuel la Datan la Abiram. La de Datan la Abiram te Israeldoma loe ba, te ba enŋɛ tobekperega la Moses la Aron la, dekɛ ba mɛhe ta lagom la Kora dɔlɔba te ba enŋɛ tobekperega la Na'ayenɛ. 10Te teŋa la tanhe vole bama la Kora, te bugum taɛ nɛre kɔbehe seyi' la nɛre pihinuu di ko, te la dɛna tɛɛnhegɔ yele gan'an. 11Ge Kora dayɔɔhe ka lagom ki. 12Simeon dayɔɔhe n de Nemuel yizuo la Yamin yizuo la Yakin yizuo la 13Zera yizuo la Shaul yizuo. 14Simeon buuri n bala. Te ba boraahe kanlɛ dɛna tuha pihiyi' la tuha ayi' la kɔbehe seyi' (22,200). 15Gad dayɔɔhe n de Zepon yizuo la Hagi yizuo la Suni yizuo la 16Ozni yizuo la Eri yizuo la 17Arodi yizuo la Areli yizuo. 18Gad buuri n bala. Te ba boraahe kanlɛ dɛna tuha pihinaahe la kɔbehe senuu (40,500). 19Yuda dayɔɔhe n de Er la Onan, ge Er la Onan ki Kanaan teŋa ha. 20Yuda dayɔɔhe sese'ehe la se nɛreba n de Sela yizuo la Perez yizuo la Zera yizuo. 21Te Perez yaahe dɛna Hezron kɔma yizuo la Hamul kɔma yizuo. 22Yuda buuri n bala. Te ba boraahe kanlɛ dɛna tuha pihiyopɔe la tuha ayoobe la kɔbehe senuu (76,500). 23Isakar dayɔɔhe n de Tola yizuo la Puva yizuo la 24Yasub yizuo la Simron yizuo. 25Isakar buuri n bala. Te ba boraahe kanlɛ dɛna tuha pihiyoobe la tuha anaahe la kɔbehe setan' (64,300). 26Zebulun dayɔɔhe n de Sered kɔma yizuo la Elon yizuo la Yaleel yizuo. 27Zebulun buuri n bala. Te ba boraahe kanlɛ dɛna tuha pihiyoobe la kɔbehe senuu (60,500). 28Yosef dayɔɔhe n de Manase la Epraim. 29Manase dayɔɔhe n de Makir yizuo. Te Makir dayɔa dɛna Gilead kɔma yizuo. 30Gilead dayɔɔhe n de Iezer yizuo la Helek yizuo la 31Asriel yizuo la Sekem yizuo la 32Semida yizuo la Heper yizuo. 33Heper dayɔa n de Zelopehad, te Zelopehad ka dɔgɛ bodibila, tara la pugunto ma'an, te to yu'ura yi'ira Mala la Noah la Hogla la Milka la Tirza. 34Manase buuri n bala. Te ba boraahe kanlɛ dɛna tuha pihinuu la tuha ayi', la kɔbehe seyopɔe (52,700). 35Epraim dayɔɔhe n de Sutela kɔma yizuo la Beker yizuo la Tahan yizuo. 36Sutela dayɔɔhe la se nɛreba dela, Eran yizuo. 37Epraim buuri n bala. Te ba boraahe kanlɛ dɛna tuha pihitan' la tuha ayi' la kɔbehe senuu (32,500). Yosef buuri yizuto n bala. 38Benyamin dayɔɔhe n de Bela yizuo la Asbel yizuo la Ahiram yizuo la 39Supam yizuo la Hupam yizuo. 40Te Bela dayɔɔhe dɛna Ard la Naaman. Te Ard la a kɔma dɛna ba yizuo, te Naaman la a kɔma me dɛna ba yizuo. 41Benyamin buuri n bala. Te ba boraahe kanlɛ dɛna tuha pihinaahe la tuha anuu la kɔbehe seyoobe (45,600). 42Dan dayɔɔhe n de Suham yizuo. Dan buuri n bala. 43Suham yizuo zan'an boraahe kanlɛ dɛna tuha pihiyoobe la tuha anaahe la kɔbehe senaahe (64,400). 44Aser dayɔɔhe n de Imnah yizuo la Isvi yizuo la Beria yizuo. 45Beria dayɔɔhe n de Heber yizuo la Malkiel yizuo. 46Aser tare pɔyɔa mɛ te ka yu'urɛ yi'ira Sarah. 47Aser buuri n bala. Te ba boraahe kanlɛ dɛna tuha pihinuu la tuha atan' la kɔbehe senaahe (53,400). 48Naptali dayɔɔhe n de Yazeel yizuo la Guni yizuo la 49Yezer yizuo la Silem yizuo. 50Naptali buuri n bala. Te ba boraahe kanlɛ dɛna tuha pihinaahe la tuha anuu la kɔbehe senaahe (45,400). 51Israel boraahe la zan'an lagom taaba kanlɛ dɛna tuha kɔbehe seyoobe la tuha deyena la kɔbehe seyopɔe la pihitan' (601,730). 52Te Na'ayenɛ yele Moses yeti, 53Tɔnrɛ teŋa wa bo ba yizuto la woo kanlɛ n zone se'em la, te la dɛna ba sɔ'ɔlom. 54Bo yizukantɛ woo zen'kantɛ, ge bo yizubila woo zen'bila. Bo yizuo woo dɔla la ko nɛreba n zone se'em ko poan. 55Gbaŋa n wan ŋmɛ'ɛra tɔnta teŋa la dɔla yizuo woo yaaba yu'ura. 56Gbaŋa la n loe zen'an bo yizukantɛ bii yizubila, ka tɔntɛ n bala, te ba wan tɔnrɛ bo taaba. 57Levi dayɔɔhe n de Gerson yizuo la Kohat yizuo la Merari yizuo. 58Levi yizuto dela Libni yizuo la Hebron yizuo la Mali yizuo la Musi yizuo la Kora yizuo. Te Kohat dɔgɛ Amram. 59Te Amram di pɔga te ka yu'urɛ yi'ira Yokebed, te ka sɔ dɛna Levi, dɔgɛ la ka Mizraim teŋa. Pɔgɔkana n dɔgɛ Aron la Moses la ba tanya Miriam. 60Te Aron dayɔɔhe dɛna Nadab la Abihu la Eleazar la Itamar. 61Ge Nadab la Abihu ki la Na'ayenɛ nɛŋan, doohe la ban tare bugum yoo na nyɔ' kaanbegɔ bo'olom bo Na'ayenɛ la. 62Levidoma la poan, ba kaanlɛ la bodibila woo n de ŋmarega beene yɛ'ɛha, te ba kaanlɛ dɛna tuha pihiyi' la tuha atan' (23,000). Bama kanlɛ ka lagom la Israeldoma la poan. Se'ere n sɔe la, bama ka sone te ba tara tɔntɛ la Israeldoma la poan. 63Nɛresɛba te Moses la Eleazar n de malemadaana la kaanlɛ Moab sɛnka la poan, Yordan Kolaa la, te Yeriko teŋa bɔna yakenɛ ha la n bala. 64Nɛra la ayena me ka boe ba poan dɛna nɛresɛba te Moses la Aron n yuun de malemadaana la yuun kaanlɛ Sinai pɔgɔtia poan ha la. 65Se'ere n sɔe la, Na'ayenɛ yuun yele nɛre bama yeti, ba wan ki la pɔgɔtia la poan. Bala, ba poan, nɛre yenɛ seren ka gee, han dagana Yepune dayɔa Kaleb la Nun dayɔa Yosua ma'an.

will be added

X\