Kanlɛ 2

1Te Na'ayenɛ yele Moses la Aron yeti, 2Israeldoma wa ne tin' ba sogorɛ la kenkɛleŋa, buuri woo la ba yaaba danlehom, kae lagaŋɔ Sogorɛ la bahɛ ba teŋasoka. 3Yudadoma, la ba nɛŋadoma n wan tin'ira zen'an la ba yaaba danlehom dela, Sogorɛ la dapoore bɔba, tɔɔra sɔɔnrom, te Aminadab dayɔa Nason dɛna ba nɛŋadaana. 4Ba yizuto dela tuha pihiyopɔe la tuha anaahe la kɔbehe seyoobe (74,600). 5Tagela Isakardoma, te Zuar dayɔa Netanel dɛna ba nɛŋadaana. 6Ba yizuto dela tuha pihinuu la tuha anaahe la kɔbehe senaahe (54,400). 7Tagela Zebulundoma, te Helon dayɔa Eliab dɛna ba nɛŋadaana. 8Ba dela tuha pihinuu la tuha ayopɔe la kɔbehe senaahe (57,400). 9Yudadoma wa zan'an kanlɛ dela tuha kɔbega la tuha pihinii la tuha ayoobe la kɔbehe senaahe (186,400). Bama en ne wan yehe yia. 10Areubendoma, la ba yizuto n wan tin'ira zen'an la ba yaaba danlehom dela, Sogorɛ la gɔbega bɔba, te Sedeur dayɔa Elizur dɛna ba nɛŋadaana. 11Ba dela tuha pihinaahe la tuha ayoobe la kɔbehe senuu (46,500). 12Tagela Simeondoma, te Zurisadai dayɔa Selumiel. 13Ba dela tuha pihinuu la tuha awae' la kɔbehe setan' (59,300). 14Tagela Gaddoma, te Deuel dayɔa Eliasap dɛna ba nɛŋadaana. 15Ba dela tuha pihinaahe la tuha anuu la kɔbehe seyoobe la pihinuu (45,650). 16Areubendoma wa zan'an kanlɛ dekɛ Yuda buuri la woo kanlɛ la pa'ahɛ dela tuha kɔbega la tuha pihinuu la tuha deyena la kɔbehe senaahe la pihinuu (151,450). Bama en ne wan yehe tagalɛ. 17Sogorɛ la han ta paɛ ya voen kɔ, Levidoma la wan bɔna la teŋasoka, wo tin'an poan te bama ne tin' tiiheŋɔ la teŋasoka se'em la, kenɛ poan mɛ ane lare bala. 18Epraimdoma, la ba yizuto n wan tin'ira zen'an la ba yaaba danlehom dela, Toolom sogorɛ la nɛŋa bɔba, te Ammihud dayɔa Elisama dɛna ba nɛŋadaana. 19Ba dela tuha pihinaahe la kɔbehe senuu (40,500). 20Tagela Manasedoma, te Pedazur dayɔa Gamaliel dɛna ba nɛŋadaana. 21Ba dela tuha pihitan' la tuha ayi' la kɔbehe seyi' (32,200). 22Tagela Benyamindoma, te Gideoni dayɔa Abidan dɛna ba nɛŋadaana. 23Ba dela tuha pihitan' la tuha anuu la kɔbehe senaahe (35,400). 24Epraimdoma la zan'an kanlɛ dela tuha kɔbega la tuha anii la kɔbega (108,100). Bama en ne wan yehe tagalɛ botan'. 25Dandoma, la ba yizuto en wa tin'ira zen'an la ba yaaba danlehom dela, Sogorɛ la zuɔ bɔba, te Amisadai dayɔa Ahiezer dɛna ba nɛŋadaana. 26Ba dela tuha pihiyoobe la tuha ayi' la kɔbehe seyopɔe (62,700). 27Tagela Aserdoma, te Okran dayɔa Pagiel dɛna ba nɛŋadaana. 28Ba dela tuha pihinaahe la tuha deyema la kɔbehe senuu (41,500). 29Tagela Naptalidoma, te Enan dayɔa Ahira dɛna ba nɛŋadaana. 30Ba dela tuha pihinuu la tuha atan' la kɔbehe senaahe (53,400). 31Dandoma la zan'an kanlɛ dela tuha kɔbega la tuha pihinuu la tuha ayopɔe la kɔbehe seyoobe (157,600). Bama en ne wan yee pooren. 32Israeldoma la zan'an te ba kaanlɛ ba yire yire la n bala. Israeldoma la zan'an n boe tiiheŋɔ la poan la zan'an kanlɛ dela tuha kɔbehe seyoobe la tuha atan' la kɔbehe senuu la pihinuu. 33Ge Levidoma la kanlɛ ba pa'ahɛ Israeldoma kanlɛ wa poan wo Na'ayenɛ n bo Moses a nɔɔrɛ se'em la. 34Te Israeldoma wa enŋɛ sɛla woo wo Na'ayenɛ n bo Moses a nɔɔrɛ se'em la. Ban tiihine tagela taaba se'em la, ba han kena, ba tagele taaba la bala mea.

will be added

X\