Kanlɛ 19

1Te Na'ayenɛ yele Moses la Aron yeti, 2Dena wa dela malema te Na'ayenɛ pa'alegɔ la bɔta. Yele Israeldoma wa te ba tare nagasa'bila n de mɔlega te sɛsɛla tara bɔ, ge te ba nan ka dekɛ yɔka yogo bɔ. 3Dekɛ ya bɔ la ya bo Eleazar se'em n de malemadaana la, bɔ dela ya tare bɔ yehe ya tiiheŋɔ la yeŋa na, te a zɛ'a bini ge te ya kɔrɔgɛ bɔ. 4Te malemadaana la Eleazar nya wan dekɛ a nu'dibila tɛn'ɛn ziim la tare ta miihe Sogorɛ la poan nɛŋa tontɔɔ na la sugumnɔɔren boyopɔe. 5N kelom zɛ'a bini se'em ma'an beha la, nahɔ la dela ya nyɔn' la bugum, ganɛ la nɛnɔ la ziim la potɔ la dela ya nyɔn'. 6Malemadaana la nya wan tare dɔɔ mɔlɔsonɔ la nyunhunyuŋa la kɔnbemɔlɔgɔ ta lobe bagalɛ nahɔ la te bugum la dita la zuo. 7Malemadaana la han ba'ahɛ bala, a pee a lɔgɔrɔ, ge la a sɔ a iŋa. A ta'an lebe kɛn' lagaŋɔ la poan na, ge a nan boe la ganleŋɔ poan gura zanɔɔrɛ. 8Boraa sɛka n nyɔn' ne nahɔ la me dela a me pee a lɔgɔrɔ la, ge sɔ a iŋa, enŋa me bo la ganleŋɔ poan gura zanɔɔrɛ. 9Boraa sɛka n ka ganlom keŋɛ ta vaɛ nahɔ la tampegelom la, la a dekɛ bɔ enŋɛ toolom lɔgɔ poan tare ta ze'ele toolom zen'an tiiheŋɔ la yeŋa ha. Tampegelom la wan bɔna Israeldoma zen'an te ba tara pa'aha ko' sebo n de toolom ko'om la poan, te ba tara duuha nɛreba be'em. 10Boraa sɛka me n vaɛ nahɔ la tampegelom la me pee a lɔgɔrɔ, ge me bɔna ganleŋɔ poan gura bolika. Malema ana n wan bɔna la yamam Israeldoma, la saama sɛba woo n kɛn'ɛre la ya kɔ'ɔn yɛ'ɛha. 11Hom se'em woo n kalom kum ganlom mɛ gura dabeha ayopɔe. 12A enŋɛ ko'om wa la pee a mɛŋa dabeha atan' daarɛ, la dabeha ayopɔe daarɛ, a han enŋɛ bala, a dagɛ dɛngerɔdaana. Ge a han ka pee a mɛŋa dabeha atan' la ayopɔe daarɛ la, a dɛngerɔdaana. 13Se'em n kalom kum, ge ka sɔ ganlom la Na'ayenɛ Sogorɛ la, enŋɛ daana ya yehe en ya buuri la poan bahɛ. Se'ere sɔe la ba ka miihe ko'om, a boe la dɛngerɔ poan. 14Pa'alegɔ seko n boe dela, nɛra n ki a deo poan, te hom se'em bɔna bini, bii wa'ana kɛn' ko poan ganlom mɛ dabeha ayopɔe, 15te lɔgɔseko me n ze' deo la poan ka tara liŋa te ka vuge ko me ganlom mɛ. 16Hom se'em me n eere yeŋa, ge ta kalom nɛra se'em te ba ko en la so'a te a gan'an, bii se'em daarɛ n paɛ, bii hom se'em n kalom nɛra kɔnberɛ bii yɔɔ boe la dabeha ayopɔe ganleŋɔ poan. 17Yan wan enŋɛ se'em n ganlom la n wana. Tɔnbegɛ ya peere bo'olom tampegelom la enŋɛ dugula poan, la ya poregɛ ko'om enŋɛ bini. 18Te se'em n ka ganlom la, dekɛ nyunhunyuŋa bobe, la a dekɛ lohɛ dugula la la ko'om la poan la a foe mɔɔ la miihe deo la poan, la lɔgɔseto woo n boe bini, la nɛresɛba woo n boe deo la poan la. A miihe se'em woo n kalom kum kɔnberɛ, bii yɔɔ, bii nɛra se'em te ko, bii se'em daarɛ n paɛ te a ki. 19Boraa sɛka n ka ganlom la, n wan miihe ba la ko'om la dabeha a tan daarɛ, la dabeha ayopɔe daarɛ. Ge dabeha ayopɔe daarɛ, a nya duuhe en. Se'em te ba duuhe la pee a futo, ge sɔ ko'om, te zanɔɔrɛ han paɛ a ganleŋɔ la wan tole. 20Ge se'em n ganlom han ka sakɛ te a pee a mɛŋa, ŋmaa ya en ya buuri la poan bahɛ. Se'ere n sɔe la a sagom la Na'ayenɛ Sogorɛ. Peere ko'om la han ka miihe a zuo, a boe la ganleŋɔ poan. 21Malema dena wa n wan bɔna la ya yɛ'ɛha. Boraa sɛka n tare duuhego ko'om la miiha ba la me han ba'ahɛ, a pee a futo, ge hom se'em me n kalom duuhego ko'om la ho mea boe la ganleŋɔ poan gura zanɔɔrɛ. 22Sɛla n ganlom, te nɛre me keŋɛ ta kalom en me ganlom mɛ, hon nɛra se'em me n kalom ganlom lɔkɔ la me wan bɔna ganleŋɔ poan gura zanɔɔrɛ.

will be added

X\