Kanlɛ 17

1Te Na'ayenɛ yele Moses yeti, 2Tɔgɛ bo Israeldoma wa ge la ho to'ohe ba nɛre pia la bayi' dɔya tare na, to'ohe ba yizuto la keema doore la ho tare na. Ho golehɛ nɛra woo yu'urɛ lamenɛ a doore. 3Ge Levi doore la, ho golehɛ Aron yu'urɛ lamenɛ dɛ'. Se'ere n sɔe la yizuo woo tare keema ayena la doore deyena. 4Tare ba kɛn' Sogorɛ la poan ta biŋe nɔbiŋere daka la nɛŋan. 5Boraa sɛka te n wan loe la doore wan puhɛ vɔɔnrɔ. 6Bala te Moses dekɛ tɔgɛ bo Israeldoma la, te ba nɛŋadoma la bo en dɔya pia la ayi' yizuo woo nɛŋadaana la a doore. Aron doore pa'ahɛ bini mɛ. 7Te Moses tare dɔya la na biŋe Na'ayenɛ nɛŋan Sogorɛ la poan. 8Yiimbeere la te Moses kɛn' Sogorɛ la poan, ta behɛ te Aron doore la n de Levi yizuo doore la n wom wɔla. 9Te Moses vaɛ dɔya la zan'an Na'ayenɛ nɛŋan yehe na biŋe Israeldoma la zan'an nɛŋan. Te ba behɛ a ge te keema woo behɛ dekɛ a doore. 10Te Na'ayenɛ nya yele Moses yeti, Tare Aron doore la lebe ta biŋe nɔbiŋere daka la nɛŋan te la pa'ale nɛreba wa tobekperega, wana n wan bahɛ te ba kan le nyɔna mam te kum koora ba. 11Te Moses enŋɛ wo Na'ayenɛ n bo en nɔɔrɛ se'em la. 12Te Israeldoma la yele Moses yeti, Te kɔ'ɔn yeti te ki mɛ. Te bɔregɛ mɛ, te zan'an bɔregɛ mɛ. 13Se'em woo n lɛm Sogorɛ la yeti a ki mɛ. Tomam zan'an ye' la kum wa?

will be added

X\