Kanlɛ 1

1Israeldoma n ze'ele Mizraim teŋa yehe na la, ba yuuma ayi' poan ŋmarehe seyi' pɔhega daarɛ, Sinai pɔgɔtia la poan, te Na'ayenɛ tɔgɛ bo Moses Sogorɛ la poan yeti, 2Kanlɛ Israeldoma wa zan'an, kaanlɛ ba yizuo yizuo, deo deo, golehɛ boraa woo yu'urɛ ta tooɛ. 3Hom la Aron kaanlɛ Israeldoma yizuto la poan, boraa sɛka woo n de yuuma pihiyi' beene yɛ'ɛha wan ta'an tɛn' pɛɛma. 4Loe ya boraa kayena kayena n de keendoma Israeldoma yizuto la woo poan te se soŋɛ ya. 5Ya wan loohe keendoma sɛba te ba soŋɛ ya la yu'ura dela Areuben buuri la poan, loe ya Sedeur dayɔa Elizur. 6Simeon yizuo la poan, loe ya Zurisadai dayɔa Selumiel. 7Yuda yizuo la poan, loe ya Aminadab dayɔa Nason. 8Isakar yizuo la poan, loe ya Zuar dayɔa Netanel. 9Zebulun yizuo la poan, loe ya Helon dayɔa Eliab. 10Yosef dayɔɔhe la poan, loe ya Epraim yizuo la poan Ammihud dayɔa Elisama. Manase yizuo la poan, loe ya Pedazur dayɔa Gamaliel. 11Benyamin buuri la poan, loe ya Gideoni dayɔa Abidan. 12Dan yizuo la poan, loe ya Amisadai dayɔa Ahiezer. 13Aser yizuo la poan, loe ya Okran dayɔa Pagiel. 14Gad yizuo la poan, loe Deuel dayɔa Eliasap. 15Naptali yizuo la poan, loe Enan dayɔa Ahira. 16Keendoma bana te ba loohe yizuo la woo poan te ba tara ba yaabdoma yizuto kenɔ, ge dɛna nɛŋadoma Israel sɔ'ɔlom la poan. 17Te Moses la Aron dekɛ keendoma wa te Na'ayenɛ yi' ba yu'ura la, 18nya yi' lagaŋɔ la zan'an lagahɛ na, ŋmarehe seyi' pɔhega daarɛ. Te nɛreba la yehe yizuo yizuo, deo deo, te ba golehɛ borase'ehe woo n de yuuma pihiyi' beene yɛ'a la, yu'urɛ yu'urɛ ta tooɛ, 19Na'ayenɛ n bo Moses a nɔɔrɛ se'em la, a doohe la bala mea kaanlɛ nɛreba la Sinai pɔgɔtia la poan. 20Te ba behɛ Israel dayɔa keema Areubendoma la yizuo yizuo, la deo deo woo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 21Areubendoma yizuo la poan, boraahe sena wa kanlɛ dela tuha pihinaahe la tuha ayoobe la kɔbehe senuu (46,500). 22Te ba behɛ Simeondoma la yizuo yizuo, la deo deo woo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 23Simeon yizuo la poan, boraahe sena wa kanlɛ dela tuha pihinuu la tuha awae' la kɔbehe setan' (59,300). 24Te ba behɛ Gaddoma la yizuo yizuo, la deo deo woo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 25Gad yizuo la poan, boraahe sena wa kanlɛ dela tuha pihinaahe la tuha anuu la kɔbehe seyoobe la pihinuu (45,650). 26Te ba behɛ Yudadoma la yizuo yizuo, la deo deo woo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 27Yuda yizuo la poan, boraahe sena wa kanlɛ dela tuha pihiyopɔe la tuha anaahe la kɔbehe seyoobe (74,600). 28Te ba behɛ Isakardoma la yizuo yizuo, la deo deo woo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 29Isakar yizuo la poan, boraahe sena kanlɛ dela tuha pihinuu la tuha anaahe la kɔbehe senaahe (54,400). 30Te ba behɛ Zebulundoma la yizuo yizuo, la deo deo woo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 31Zebulun yizuo la poan, boraahe sena wa kanlɛ dela tuha pihinuu la tuha ayopɔe la kɔbehe senaahe (57,400). 32Te ba behɛ Yosef dayɔɔhe la, Epraimdoma la yizuo yizuo, la deo deo tuunhom, kaanlɛ ge golehɛ borase'ehe n de yuuma pihiyi' beene yɛ'ɛha wan ta'an tɛn' pɛɛma la yu'ura ta tooɛ 33Epraim yizuo la poan, boraahe sena wa kanlɛ dela tuha pihinaahe, la kɔbehe senuu (40,500). 34Te ba behɛ Manasedoma la yizuo yizuo, la deo deo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 35Manase yizuo la poan, boraahe sena wa kanlɛ dela tuha pihitan' la tuha ayi' la kɔbehe seyi' (32,200). 36Te ba behɛ Benyamindoma la yizuo yizuo, la deo deo tuunhom, kaanlɛ borase'ehe woo n de yuuma pihiyi' beene yɛ'a wan ta'an tɛn' pɛɛma yu'ura ta tooɛ. 37Benyamin yizuo la poan la, boraahe sena wa kanlɛ dela tuha pihitan' la tuha anuu la kɔbehe senaahe (35,400). 38Te ba behɛ Dandoma la yizuo yizuo, la deo deo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 39Dan yizuo la poan, boraahe sena wa kanlɛ dela tuha pihiyoobe la tuha ayi' la kɔbehe seyopɔe (62,700). 40Te ba behɛ Aserdoma la poan yizuo yizuo, la deo deo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 41Aser yizuo la poan, boraahe sena wa kanlɛ dela tuha pihinaahe la tuha deyena la kɔbehe senuu (41,500). 42Te ba behɛ Naptalidoma la yizuo yizuo, la deo deo tuunhom, kaanlɛ ge golehɛ borase'ehe woo n de yuuma pihiyi' beene yɛ'ɛha wan ta'an tɛn' pɛɛma yu'ura ta tooɛ. 43Naptali yizuo la poan, boraahe sena wa kanlɛ dela tuha pihinuu la tuha atan' la kɔbehe senaahe (53,400). 44Boraahe se'ehe te Moses, Aron, la Israeldoma keendoma pia la bayi' la n de yizuo yizuo keendoma kaanlɛ la en bala. 45Israeldoma la yizuo woo, la yire woo poan boraa n de yuuma pihiyi' beene yɛ'ɛha wan ta'an tɛn' pɛɛma kaanlɛ mɛ. 46Ba boraahe la zan'an kanlɛ dela tuha kɔbehe seyoobe la atan', la kɔbehe senuu la pihinuu. 47Levidoma la kanlɛ ka pa'ahɛ nɛreba la kanlɛ la poan. 48Na'ayenɛ deŋɛ yele Moses yeti, 49Da kaanlɛ Levidoma wa, bii ho kaanlɛ ba pa'ahɛ Israeldoma wa kanlɛ la poan. 50Loohe Levi yizuo wa te ba beha Sogorɛ la wa lɔgɔrɔ, la sɛla woo n tare tona ko poan zan'an. Bama n wan ziira kɔ la kɔ lɔgɔrɔ woo, ge behera kɔ, ge ne tiihom kae kɔ. 51La han ne ta dɛna te ba vɔn' kɔ la han dɛna ba sɛ kɔ, bama Levi yizuo mea n wan sɛ kɔ, ge se'em woo n lɛm kɔ wan ki. 52Tiiheŋɔ poan, Israeldoma woo mina a tin'an zen'an, la a yire danlehom, te ba ne yehe yizuo yizuo, deo deo te nɛra woo tin'. 53Ge Levi yizuo la ne tin' ba Sogorɛ la, te Na'ayenɛ sunsunyiim da sige Israeldoma la zuo. Levi yizuo la sɔna Sogorɛ la behera. 54Te Israeldoma enŋɛ sɛla woo wo Na'ayenɛ n bo Moses nɔɔrɛ se'em la.

will be added

X\