Nehemia 7

1Dangoone la n mɛ ba'ahɛ la, te mam kɛn'ɛhɛ kolehe la woo ba'ahɛ, loohe nayaŋguruba la yoonyooneba la Levidoma la ba'ahɛ la, 2mam dekɛ la n mɛŋa sɔɔn Hanani la zaba nɛŋadaana Hanania n dela birikina, ge me zɔta Yenɛ gana nɛreba la kekeko, te bama behera Yerusalem. 3Mam yele ba yeti, Yerusalem nayahe wa kan yu'uha, han dagana wontɛɛŋa n ta zom na. Nayaŋguruba la saŋa ne han paɛ ba keŋɛ, ba ne yu' nayahe la, dekɛ kuto seto n tare yu'ura la yu' se. Loohe ya Yerusalem teŋa nɛreba te ba dɛna guruba te ba gura nayahe la kae, te sɛba me gura lɛm ba mɛhe yiya. 4Teŋa la daa kanregɛ mɛ ge yalegɛ, ge te nɛreba la ana fiin wa ka poan, te yiya la me nan ka mɛ. 5Bala te mam Yenɛ la bo mam potɛn'ɛrɛ, te mam lagahɛ nɛrezura la kpɛ'ɛndoma la nɛra woo na te yire woo golehɛ de nɛreba. Te mam ta nyɛ gɔŋɔ seko n tare sɛba n yuun lebe yia na la tuunhom yɛla la. Sɛla te mam nyɛ te la golehɛ bɔna bini n wana. 6Teŋa la nɛresɛba te Babilon teŋa Naba Nebukadnezar zabɛ nyaŋɛ ba, pɛnregɛ ba tare loŋe a teŋa, ge le ta bahɛ ba te ba lebena la n wana. Ba lebe la Yerusalem la Yuda teŋa poan na, te nɛra woo lebe a teŋa a teŋa. 7Ba doohe mɛ la Zerubabel la Yesua la Nehemia la Azaria la Aramia la Nahamani la Mordekai la Bilsan la Misperet la Bigvai la Nehum la Baana n de ba nɛŋadoma la lebe na. Israel buuri la poan boraahe kanlɛ n wana. 8Paros yizuo boraahe dela tuha ayi' la kɔbega la pihiyopɔe la bayi' (2172). 9Sepatia yizuo boraahe dela kɔbehe setan' la pihiyopɔe la bayi' (372). 10Arah yizuo la boraahe dela kɔbehe seyoobe la pihinuu la seyi' (652). 11Pahat Moab ta'ara Yesua la Yoab boraahe dela tuha ayi' la kɔbehe senii la pia la senii (2818). 12Elam yizuo boraahe dela tuhure la kɔbehe seyi' la pihinuu la senaahe (1254). 13Zatu yizuo boraahe dela kɔbehe senii la pihinaahe la senuu (845). 14Zakai yizuo boraahe dela kɔbehe seyopɔe la pihiyoobe (760). 15Binui yizuo boraahe dela kɔbehe seyoobe la pihinaahe la senii (648). 16Bebai yizuo boraahe dela kɔbehe seyoobe la pihiyi' la senii (628). 17Azgad yizuo boraahe dela tuha ayi' la kɔbehe setan' la pihiyi' la seyi' (2322). 18Adonikam yizuo boraahe dela kɔbehe seyoobe la pihiyoobe la seyopɔe (667). 19Bigvai yizuo boraahe dela tuha ayi' la pihiyoobe la seyopɔe (2067). 20Adin yizuo boraahe dela kɔbehe seyoobe la pihinuu la senuu (655). 21Ater yizuo ta' la Hezekia la poan, boraahe dela pihiwae' la senii (98). 22Hasum yizuo boraahe dela kɔbehe setan' la pihiyi' la senii (328). 23Bezai yizuo boraahe dela kɔbehe setan' la pihiyi' la senaahe (324). 24Harip yizuo boraahe dela kɔbega la pia la seyi' (112). 25Gibeon yizuo boraahe dela pihiwae' la senuu (95). 26Betlehem la Netopa yizuto boraahe dela kɔbega la pihinii la senii (188). 27Anatot yizuo boraahe dela kɔbega la pihiyi' la senii (128). 28Bet Azmavet yizuo boraahe dela pihinaahe la seyi' (42). 29Kiriat Yearim la Kepira la Beerot yizuto boraahe dela kɔbehe seyopɔe la pihinaahe la setan' (743). 30Aramah la Geba yizuo boraahe dela kɔbehe seyoobe la pihiyi' la kayena (621). 31Mikmas yizuo boraahe dela kɔbega la pihiyi' la seyi' (122). 32Betel la Ai yizuo boraahe dela kɔbega la pihiyi' la setan' (123). 33Nebo basɛba yizuo boraahe dela pihinuu la seyi' (52). 34Elam yizuo boraahe dela tuhure la kɔbehe seyi' la pihinuu la senaahe (1254). 35Harim yizuo boraahe dela kɔbehe setan' la pihiyi' (320). 36Yeriko yizuo boraahe dela kɔbehe setan' la pihinaahe la senuu (345). 37Lod la Hadid la Ono yizuto boraahe dela kɔbehe seyopɔe la pihiyi' la kayena (721). 38Senaa yizuo boraahe dela tuha atan' la kɔbehe sewae' la pihitan' (3930). 39Malemadoma n wana. Yedaiah yizuo ta ta' Yesua la poan boraahe dela kɔbehe sewae' la pihiyopɔe la setan' (973). 40Imer yizuo boraahe dela tuhure la pihinuu la seyi' (1052). 41Pasur yizuo boraahe dela tuhure la kɔbehe seyi' la pihinaahe la seyopɔe (1247). 42Harim yizuo boraahe dela tuhure la pia la senii (1017). 43Levidoma n wana. Yesua ta ta'ara Kadmiel la Hodavia yizuo la, boraahe dela pihiyopɔe la senaahe (74). 44Yoonyooneba n wana. Asap yizuo boraahe dela kɔbega la pihinaahe la senii (148). 45Nayahe guruba n wana. Salum la Ater la Talmon la Akub la Hatita la Sobai yaahe dela boraahe kɔbega la pihitan' la senii (138). 46Yenɛ yire tontoneba la dela Ziha yaahe la Hasupa yaahe la Tabaot yaahe la 47Keros yaahe la Sia yaahe la Padon yaahe la 48Lebana yaahe la Hagaba yaahe la Salmai yaahe la 49Hanan yaahe la Gidel yaahe la Gahar yaahe la 50Areaiah yaahe la Arezin yaahe la Nekoda yaahe la 51Gazam yaahe la Uza yaahe la Pasea yaahe la 52Besai yaahe la Meunim yaahe la Nepusim yaahe la 53Bakbuk yaahe la Hakupa yaahe la Harhur yaahe la 54Bazlut yaahe la Mehida yaahe la Harsa yaahe la 55Barkos yaahe la Sisera yaahe la Tema yaahe la 56Nezia yaahe la Hatipa yaahe. 57Solomon tontoneba la poan dela Sotai yaahe la Soperet yaahe la Perida yaahe la 58Yaala yaahe la Darkon yaahe la Gidel yaahe la 59Sepatia yaahe la Hatil yaahe la Pokeret Hazebaim yaahe la Amon yaahe. 60Yenɛ yire tontoneba la Solomon tontoneba yaahe boraahe dela kɔbehe setan' la pihiwae' la seyi' (392). 61Nɛrebana ze'ele la Tel Mela la Tel Harsa la Kerub la Adon la Imer teŋhe poan na ge ka nyaŋɛ doohe ba buuri tuunhom n ze'ele Israeldoma la poan se'em na. 62Ba dela Delaiah la Tobia la Nekoda yaahe la. Ba boraahe dela kɔbehe seyoobe la pihinaahe la seyi' (642). 63Malemadoma la poan me Hobaiah yaahe la Hakoz yaahe la Barzilai n di Gilead teŋa Barzilai pɔyɔa te ba tare a dɛɛma yu'urɛ wa yi'ira en la yaahe. 64Nɛrebana wa ɛ ba buuri tuunhom yɛla gɔŋɔ koŋe mɛ, te ba yelege ba malema tooma la poan. 65Teŋbehega tigire nɛŋadaana la bo ba nɔɔrɛ te ba da lagom dita toolom dia la gura te malema ta bɔna tara Urim la Tumim la tona. 66Nɛreba la zan'an kanlɛ dela tuha pihinaahe la ayi' la kɔbehe setan' la pihiyoobe (42,360), 67te ba boraahe tontoneba la ba pɔsɔɔrɔ kanlɛ n de tuha ayopɔe la kɔbehe setan' la pihitan' la bayopɔe (7337) la ka pa'ahɛ. Te ba poan me tara boraahe la pɔgɔhe n de yoonyooneba kɔbehe seyi' la pihinaahe la banuu (245). 68Te ba yiri dɛna kɔbehe seyopɔe la pihitan' la iyoobe (736) la te yiribonhe la dɛna kɔbehe seyi' la pihinaahe la senuu (245) la 69yogoma kɔbehe senaahe la pihitan' la anuu (435) la bonhe tuha ayoobe la kɔbehe seyopɔe la pihiyi' (6720). 70Yiredaandoma basɛba lagom lagahɛ soŋɛ tooma la mɛ, te teŋbehega tigire la bo sanlema kpila tuhure (1000) la laahe pihinuu (50) la malemadoma futo kɔbehe senuu la pihitan' (530). 71Te yiredaandoma basɛba me lagahɛ sanlema kpila tuha pihiyi' (20,000) la sanlenpeelega yolɔ tuha ayi' la pihiyi' (2200) bo te ba soŋɛ toonɛ la. 72Nɛreba sɛba n gee la woo me bo'olom la zan'an dela sanlema kpila tuha pihiyi' (20,000) la sanlenpeelega yolɔ tuha ayi' (2000) la malemadoma futo pihiyoobe la toyopɔe (67). 73Te malemadoma la Levidoma la nayahe guruba la yoonyooneba la nɛreba basɛba la Yenɛ yire tontoneba la Israeldoma la zan'an zin'ire ba teŋhe ba teŋhe poan. Ŋmarehe seyopɔe poan te Israeldoma la zan'an zin'ire ba teŋhe ba teŋhe poan ba'ahɛ.

will be added

X\